Qoraqalpog‘istonning Beruniy tumanida reklama monitori yonib ketdi, deb xabar bermoqda tuman hokimligi matbuot xizmati.
Qayd etilishicha, 23-iyul kuni kech soat 21:00 da Beruniy tumani Xalqlar do‘stligi ko‘chasi chorrahasida joylashgan elektron reklama qurilmasida yong‘in yuzaga kelganligi haqida tuman FVBga xabar kelib tushgan. Yong‘in qutqaruv texnikalari yordamida soat 21:07 da bartaraf etilgan.
Hodisa oqibatida jabrlanganlar yo‘q. Hozirda yong‘inning kelib chiqish sabablari o‘rganilmoqda.
Xabarda qo‘shimcha qilinishicha, Beruniy tumani Xalqlar do‘stligi ko‘chasida 2 ta elektron reklama qurilmasiga katta monitor o‘rnatilgan bo‘lib, tumandagi tadbirkorlik subyektiga qarashli. Hozirda yong‘inning kelib chiqish sabablari o‘rganilmoqda.
Eslatib o‘tamiz, shu kuni Toshkentning Yunusobod tumani THAY ko‘chasi Uch qahramon aylanma yo‘lida joylashgan elektron reklama qurilmasi ham yonib ketgandi. Poytaxtdagi ushbu yong‘in oqibatida ham hech kim jabrlanmagan.
Izoh (0)