Markaziy saylov komissiyasining tegishli qarorlariga binoan O‘zbekistonda faoliyat yuritayotgan beshta siyosiy partiyaning vakolatli vakillari ro‘yxatga olindi. Bu haqda Markaziy saylov komissiyasi matbuot xizmati ma’lum qildi.
Saylov kampaniyasida Markaziy saylov komissiyasi va siyosiy partiya o‘rtasida muloqot olib borish, talab etilgan hujjatlarni taqdim qilishni tashkiliy ravishda tartibga solish uchun vakolatli vakil faoliyati yo‘lga qo‘yiladi.
Vakolatli vakil, birinchi navbatda, saylovda ishtirok etuvchi siyosiy partiyaning manfaatini ifodalaydi va uning saylov jarayonidagi ishtirokiga oid masalalarni hal qilib boradi.
Markaziy saylov komissiyasi tomonidan guvohnomalar topshirilgan siyosiy partiyalar vakolatli vakillari quyidagilar:
- Yakubov Baxtiyor Sultonnazirovich – Tadbirkorlar va ishbilarmonlar harakati – O‘zbekiston Liberal-demokratik partiyasi;
- Mamatxonov Bahodirjon Mo‘llajon o‘g‘li – O‘zbekiston “Milliy tiklanish” demokratik partiyasi;
- Rahmonov Abdukamol Shodiyevich – O‘zbekiston “Adolat” sotsial-demokratik partiyasi;
- Sanginov Saidrasul Saidakbarovich – O‘zbekiston Ekologik partiyasi;
- Vafoyev Ulug‘bek Nazarovich – O‘zbekiston Xalq demokratik partiyasi.
Bundan avval Prezident saylovi munosabati bilan O‘zbekistonga kelgan DIIHBning ilk missiyasi xulosalari haqida ma’lumot berilgani, MSK vakili O‘zbekiston prezidentligiga nomzodlarni ro‘yxatga olish tartibi yuzasidan ma’lumot bergani hamda Prezident saylovi munosabati bilan O‘zbekistonga DIIHBning to‘laqonli missiyasi kelishi ma’lum qilingani haqida xabar berilgandi.
Izoh (0)