Porsche kompaniyasi noodatiy assimetrik salon va ilg‘or avtopilotga ega Vision Renndienst minivenining konseptual suratlarini e’lon qildi. Salon markaziga o‘rnatilgan haydovchi o‘rindig‘i 180 darajaga burila oladi, ikkinchi qatorga ikkita har xil o‘rindiq o‘rnatilgan bo‘lsa, uchinchi qatorda — uch kishilik divan joylashgan. Yon oynalar faqat bir tomonda joylashgan, boshqa tomonda esa hech narsa yo‘q, Porsche’dagilarning tushuntirishicha, bu himoyalanganlik hissini beradi, deb yozadi Motor.
Mazkur shou-kar yangi emas: uni yaratish ustidagi ishlar ikki yil olib borilgan va 2020-yilda Porsche Unseen loyihasi doirasida oshkor etilgan. O‘shanda Vision Renndienst’ning faqatgina tashqi ko‘rinishi namoyish etilgan, jumladan, birinchi variant standart oynali bo‘lgan. Endilikda avtomobilning ichini ham tomosha qilish mumkin.
Mashina saloni olti kishiga mo‘ljallangan. Haydovchi o‘rindig‘i 180 darajaga burilib, salon markazida joylashgan, old panelning ikkala yoni bo‘ylab ekranlar, rul orqasida qurilmalar joylashgan. Minivenning yon eshiklari sirg‘alib ochiladi.
Porsche’ning yangi modeliga oid texnik tavsiflar hozircha oshkor etilmagan, ammo mashina elektrodvigatel yordamida harakatga kelishi, shuningdek, avtopilot haydovchiga nafaqat qo‘lni rul boshqaruvidan olish, balki yo‘ldagi vaziyatni ham kuzatmaslik imkonini beradi.
Avvalroq Shanxayda hashamatli Toyota Crown Vellfire miniveni sotuvga chiqqani, Hyundai kompaniyasi futuristik tashqi ko‘rinishga ega yangi Staria minivenini yaratayotgani ma’lum bo‘lgandi.
Izoh (0)