O‘zbekiston milliy terma jamoasi sobiq yarim himoyachisi Odil Ahmedov Eldor Shomurodovning “Jenoa”dan “Roma”ga o‘tishga yaqin turgani haqidagi xabarlarga munosabat bildirdi.
Eldor uchun juda xursandman, bu ajoyib yangilik. Umid qilamanki, u “Roma”da muvaffaqiyat qozonadi va futbolchi sifatida o‘sishda davom etadi. Eldorning kelajakda “Real” yoki “Barselona”da o‘ynay olishiga ishonaman. Buning uchun Shomurodovda hamma narsa bor. Bu butun O‘zbekiston uchun katta quvonch, u mamlakatda futbolni ommalashtiradi va barchaga o‘rnak bo‘lmoqda.Avvalroq “Roma” va “Jenoa” Shomurodov transferi borasida kelishuvga erishgani va Rim klubi Eldorni sotib olish majburiyati bilan ijaraga olishi haqida xabar berilgandi.Joze Mourinyo boshchiligida Genrix Mxitaryan—Eldor Shomurodov juftligini ko‘rish juda qiziqarli bo‘ladi. Ularga Italiya chempionatida yaxshi o‘yin ko‘rsatishni tilayman. Asosiysi jarohatlar bo‘lmasin. Faqat omad va muvaffaqiyat.
Odil Ahmedov, futbolchi
Ma’lumot uchun, Shomurodov 2020/21-yilgi mavsum A Seriyada 31 o‘yinda maydonga tushib, 8 ta gol muallifiga aylangandi.
Izoh (0)