Tokio—2020 Olimpiadasining futbol bahslari guruh bosqichining so‘nggi 3-tur o‘yinlari 28-iyul, chorshanba kuni bo‘lib o‘tdi.
A guruhida muddatidan avval keyingi bosqich masalasini hal etgan mezbon Yaponiya Fransiyani 4:0 hisobda tor-mor keltirdi. Meksika esa JARni mag‘lub etib, 1/4 finalga chiqdi.
B guruhida Janubiy Koreya Gondurasni mag‘lub etib, keyingi bosqichga yo‘l olgan bo‘lsa, Yangi Zelandiya Ruminiya bilan durang o‘ynaganiga qaramay, guruhdan chiqish vazifasini uddaladi.
C guruhidan esa Ispaniya va Misr jamoalari 1/4 finalga chiqdi. Argentina hamda Avstraliya esa guruhda qolib ketdi.
D guruhida Braziliya Saudiya Arabistonini yengdi va 1/4 finalga yo‘l oldi. Germaniya esa guruhning ikkinchi o‘yinida Kot-d’Ivuarni mag‘lub etolmay guruhda qolib ketdi.
Shu tariqa Tokio Olimpiadasining guruh bosqichi o‘yinlari yakunlandi. Chorak finalga yo‘l olgan jamoalar: Braziliya, Kot-d’Ivuar, Ispaniya, Misr, Yangi Zelandiya, Janubiy Koreya, Yaponiya va Meksika. Favoritlar qatorida ko‘rsatilgan Germaniya, Argentina va Fransiya esa guruhda qolib ketdi. 1/4 final to‘qnashuvlari 31-iyul sanasiga belgilangan: Undagi juftliklar quyidagicha ko‘rinish oldi:
- Ispaniya U-23 — Kot-d’Ivuar U-23;
- Yaponiya U-23 — Yangi Zelandiya U-23;
- Braziliya U-23 — Misr U-23;
- Janubiy Koreya U-23 — Meksika U-23.
Tokio—2020, futbol
3-tur bahslari28-iyul, chorshanba
A guruhi
JAR U-23 — Meksika U-23 0:3
Gollar: 0:1 – 18 Vega, 0:2 – 45 Romo, 0:3 – 60 Martin.Chetlatishlar: Malepe (57) — Rodriges (66).
Fransiya U-23 — Yaponiya U-23 0:4
Gollar: 0:1 – 27 Kubo, 0:2 – 34 Sakai, 0:3 – 70 Miyosi, 0:4 – 90+1 Maeda.Chetlatish: Kolo-Muani – 74 (Fransiya).
B guruhi
Janubiy Koreya U-23 — Gonduras U-23 6:0
Gollar: 1:0 – 12, penalti Hvan Iy Jo, 2:0 – 19, penalti Von Du Je, 3:0 – 45 Hvan Iy Jo, 4:0 – 52, penalti Hvan Iy Jo, 5:0 – 64 Kim Jin Ya, 6:0 – 82 Li Kan In.Chetlatish: Melendes – 39 (Gonduras).
Izoh (0)