Hukumatdan yordam so‘ragan taksistlar, davlatlararo sayohatga chiqqan muhojir qo‘g‘irchoq, uylarni vayron qilgan Antaliyadagi yirik yong‘in. 28-iyul suratlari
Dunyo bo‘ylab 28-iyul kuni olingan sara suratlarni namoyish etamiz.
Rossiyalik qilichboz Sofiya Pozdnyakova Olimpiya o‘yinlarining oltin medalini qo‘lga kiritdi. Finalda u hamyurti Sofya Velikayani mag‘lub etdi.Foto: Getty Images
Buyuk Britaniya bosh vaziri Boris Jonson Staffordda halok bo‘lgan politsiyachilar sharafiga yodgorlik lavhasi ochilishida ishtirok etdi.Foto: Getty Images
Kamchatka yarim orolining shimoli-sharqidagi Haylyuli daryosi bo‘yidagi qo‘ng‘ir ayiq.Foto: “TASS”
Tokio Olimpiadasida butterfly usulida suzish bo‘yicha yarim finalda qatnashayotgan amerikalik sportchi Zak Xarting.Foto: Reuters
Gvineyaning Konakri shahrida istiqomat qiluvchi ayol o‘z yumush-tashvishlari bilan ko‘chada ketmoqda.Foto: Getty Images
Janubiy Koreya sportchisi Chu Geyun Tokio Olimpiadasida vatandoshi Jin Jongoh bilan 10 metrlik pnevmatik to‘pponchadan otish musobaqasida qatnashmoqda.Foto: Reuters
Vengriyaning Balaton ko‘lida to‘p o‘ynayotgan ikki ayol.Foto: EPA
Turkiyada muhojir qiz tasvirlangan ulkan Amal ismli qo‘g‘irchoq suriyalik qochqin bolalar bilan birga ko‘chalarda yuribdi. Balandligi 3,5 metr bo‘lgan ushbu qo‘g‘irchoq yosh qochqinlarning eng muhim ehtiyojlari to‘g‘risida hukumatni xabardor qilish uchun Turkiya, Gretsiya, Italiya, Fransiya, Shveysariya, Germaniya, Belgiya va Buyuk Britaniyaga sayohat qilmoqchi.Foto: EPA
Pravoslav dindorlar Kiyev Rusi nasroniylashuvining 1033-yilligini nishonlash uchun ibodat marosimida qatnashmoqda.Foto: EPA
Utrext universiteti tadqiqotchilari portda o‘lik holda topilgan 15 metr uzunlikdagi kitning jasadini o‘rganmoqda.Foto: AFP
Turkiyaning Antaliya viloyatidagi Manavgat mintaqasida katta o‘rmon yong‘ini yuz berdi. Yong‘in aholi turar joylariga yetib bordi va ko‘plab turar joy va biznes binolarini vayron qildi.Foto: Getty Images
Peruning saylangan prezidenti Pedro Kastilyo o‘z lavozimiga kirishdi.Foto: EPA
Avstraliyada Talisman Saber harbiy mashg‘uloti bo‘lib o‘tdi.Foto: Getty Images
Shimoliy Reyn-Vestfaliyadagi (Germaniya) suv toshqini oqibatlari.Foto: Getty Images
Germaniyaning shimolidagi Serengeti bog‘ida yashovchi oq karkidon.Foto: Getty Images
Rossiyalik Vladislav Larin taekvondo bo‘yicha 80 kilogrammdan yuqori vazn toifasida Olimpiada musobaqasining oltin medalini qo‘lga kiritdi.Foto: Getty Images
Moskvadagi Minin va Pojarskiy yodgorligidan 30 ga yaqin qadimiy artefaktlar topildi.Foto: “Moskva” shahar axborot agentligi
Sibir yo‘lbarslari dunyodagi yo‘qolib borayotgan hayvonlar uchun eng yirik naslchilik markazi bo‘lgan Xitoydagi Xengdahezi mushuksimonlar naslchilik markazidagi o‘rmon parkida cho‘milmoqda.Foto: Shutterstock
Kaliforniyada 200 000 gektardan ziyod maydonni egallagan o‘rmon yong‘inlari.Foto: Reuters
Bangladeshda baliq oviga qo‘yilgan 65 kunlik taqiqdan so‘ng baliqchilar tomonidan tutilgan o‘ljalar.Foto: Shutterstock
Tokio Olimpiadasida 64 kg vazn toifasidagi dast ko‘tarish mashg‘ulotlarida muvaffaqiyatsizlikka uchragan nikaragualik Sema Ludrik Rivas.Foto: Reuters
Bangkokda taksichilar Moliya departamenti oldida norozilik bildirmoqda va hukumatni COVID-19 cheklovlari davrida haydovchilarga yordam berishga chaqirmoqda.Foto: EPA
Izoh (0)