Yaponiyaning Tokio shahri mezbonlik qilayotgan Olimpiadada 26-iyul kuni taekvondo musobaqalari o‘tkazilmoqda.
-80 kg vazn toifasida harakat qilayotgan O‘zbekiston vakili Nikita Rafalovich chorak finalda ozarbayjonlik Milad Begini 12:1 hisobida mag‘lubiyatga uchratib, Olimpiya o‘yinlarining yarim finaliga yo‘l oldi.
Qayd etish joiz, Milad Begi 2 karra jahon chempioni va Rio—2016 Olimpiadasining sovrindori hisoblanadi.
Nikita yarim finalda iordaniyalik Saleh Elsharabatiga qarshi bahs yuritadi. Jang Toshkent vaqti bilan soat 12:45 da start oladi.
Rafalovich 1/8 finalda Dominikan vakili Moyzes Ernandesni 17:7 hisobida mag‘lubiyatga uchratgandi.
25-iyul kuni o‘zbekistonlik taekvondochi Ulug‘bek Rashidov Olimpiya o‘yinlari oltin medaliga sazovor bo‘lgandi.
Izoh (0)