O‘zbekiston Prezidenti Shavkat Mirziyoyev 24-iyul kuni Qozog‘iston prezidenti Qosim-Jo‘mart To‘qayev bilan telefon orqali muloqot qildi. Bu haqda davlat rahbari matbuot xizmati xabar berdi.
Qozog‘iston prezidenti Shavkat Mirziyoyevni tavallud kuni bilan muborakbod etib, O‘zbekiston xalqiga farovonlik va ravnaq tilagan.
Suhbat davomida davlat rahbarlari O‘zbekiston va Qozog‘iston o‘rtasidagi ko‘p qirrali hamkorlikni yanada kengaytirish va strategik sheriklik munosabatlarini mustahkamlash, eng avvalo, ularni yangi loyiha va dasturlar bilan boyitish muhim ekanini ta’kidlagan.
Shuningdek, bo‘lajak oliy darajadagi ikki va ko‘p tomonlama tadbirlarga, shu jumladan, avgust oyining boshida Turkmanistonda o‘tkazilishi rejalashtirilgan Markaziy Osiyo davlatlari rahbarlarining Maslahat uchrashuviga tayyorgarlik ko‘rish masalalari ko‘rib chiqilgan.
Markaziy va Janubiy Osiyo bog‘liqligini rivojlantirish bo‘yicha Toshkent xalqaro konferensiyasining samarali natijalari yuksak baholandi, Afg‘onistondagi vaziyat yuzasidan fikr almashildi.
Mavzuga doir: O‘zbekiston Markaziy Osiyo davlatlari rahbarlarining maslahat uchrashuvi yuzma-yuz ko‘rinishda o‘tkazilishiga umid qilmoqda
Izoh (0)