Kia Carnival’ning standart versiyasi 7-8 kishiga mo‘ljallangan, biroq Janubiy Koreyaning ichki bozorida premium versiya Carnival Hi-Limousine nomi ostida taqdim etilgan bo‘lib, u unda uch nafar yo‘lovchi va haydovchi harakatlana oladi, deb xabar beradi IXBT.
Shu bilan birga, Carnival Hi-Limousine uzunligi stanvart versiyadan 45 millimetrga uzun — 5200 millimetr. Miniven baland shift qismini saqlab qolgan, buning hisobiga balandlik 305 millimetrga oshib, 2045 millimetrga yetgan. Mashinaning orqa qismida ikkita juda qulay o‘rindiq joylashgan, yo‘lovchilar uchun oyoqni massaj qiluvchi qurilma, havo tozalagich, 21,5 dyuymli ekran, yorug‘lik diodli yoritgichlar, smartfonlar uchun simsiz quvvatlantirgich va turli funksiyalarni boshqarishga yordam beradigan 7 dyuymli sensorli displey mavjud. Shuningdek, avtomobil, isitish/sovitish tizimiga ega stakan qo‘ygichlar, yig‘iladigan darpardalarga ega.
To‘rt o‘rindiqli Kia Carnival Hi-Limousine’ning ikki motorli versiyasi mavjud: 290 ot kuchiga (355 Nm) ega 3,5 litrli benzin va 199 ot kuchini taqdim etuvchi (441 Nm) 2,2 litrli dizel. Avtomobillarning ikkisiga ham 19 dyuymli g‘ildirak diskalari “kiygizilgan”.
Janubiy Koreyada avtomobil narxi 77 dollarni tashkil etadi, AQShda esa Carnival’ning bazaviy versiyasini 32,1 ming dollarga xarid qilish mumkin.
Avvalroq Yangi Kia Sportage oldindan buyurtmalar bo‘yicha rekordlarni yangilayotgani, Kia birinchi bor o‘zining yangi elektrokari tizerini namoyish etgani, kompaniya o‘zining logotipi va shiorini o‘zgartirgani to‘g‘risida xabar berilgandi.
Mavzuga doir: Kia Seltos krash-testni uch bahoga “topshirdi” (video)
Izoh (0)