Kia Carnival’нинг стандарт версияси 7-8 кишига мўлжалланган, бироқ Жанубий Кореянинг ички бозорида премиум версия Carnival Hi-Limousine номи остида тақдим этилган бўлиб, у унда уч нафар йўловчи ва ҳайдовчи ҳаракатлана олади, деб хабар беради IXBT.
Шу билан бирга, Carnival Hi-Limousine узунлиги станварт версиядан 45 миллиметрга узун — 5200 миллиметр. Минивен баланд шифт қисмини сақлаб қолган, бунинг ҳисобига баландлик 305 миллиметрга ошиб, 2045 миллиметрга етган. Машинанинг орқа қисмида иккита жуда қулай ўриндиқ жойлашган, йўловчилар учун оёқни массаж қилувчи қурилма, ҳаво тозалагич, 21,5 дюймли экран, ёруғлик диодли ёритгичлар, смартфонлар учун симсиз қувватлантиргич ва турли функцияларни бошқаришга ёрдам берадиган 7 дюймли сенсорли дисплей мавжуд. Шунингдек, автомобиль, иситиш/совитиш тизимига эга стакан қўйгичлар, йиғиладиган дарпардаларга эга.
Тўрт ўриндиқли Kia Carnival Hi-Limousine’нинг икки моторли версияси мавжуд: 290 от кучига (355 Нм) эга 3,5 литрли бензин ва 199 от кучини тақдим этувчи (441 Нм) 2,2 литрли дизель. Автомобилларнинг иккисига ҳам 19 дюймли ғилдирак дискалари «кийгизилган».
Жанубий Кореяда автомобиль нархи 77 долларни ташкил этади, АҚШда эса Carnival’нинг базавий версиясини 32,1 минг долларга харид қилиш мумкин.
Аввалроқ Янги Kia Sportage олдиндан буюртмалар бўйича рекордларни янгилаётгани, Кia биринчи бор ўзининг янги электрокари тизерини намойиш этгани, компания ўзининг логотипи ва шиорини ўзгартиргани тўғрисида хабар берилганди.
Мавзуга доир: Kia Seltos краш-тестни уч баҳога «топширди» (видео)
Изоҳ (0)