Samarqand viloyatida avval ham yashash uyida fohishaxona tashkil qilgan erkak yana shu jinoyatni sodir etganlikda ayblanib sud qilindi. Bu haqda “Yangi davr” informatsion dasturida ma’lum qilindi.
Qayd etilishicha, erkak avval uyida fohishaxona tashkil qilgani uchun sudlangan. Unga ozodlikni cheklash jazosi tayinlansa, betob farzandini shifoxonaga olib borolmasligi bois jarima jazosi tayinlangan.
Shuningdek, u uyida yana fohishaxona tashkil qilgani aniqlanib, sud hukmi o‘qilgan. Hukmga ko‘ra, fuqaro Jinoyat kodeksining 131-moddasi (qo‘shmachilik qilish yoki fohishaxona saqlash) 4-qismida nazarda tutilgan jinoyatni sodir etganlikda aybdor deb topilib, unga nisbatan 3 yil 6 oy qamoq jazosi tayinlangan.
Bundan avval Buxoroda 24 yoshli qizni cho‘lda ikki erkak bilan jinsiy yaqinlik qilishga undagan ayol qo‘lga olingani, Samarqandda 29 yoshli ayolni fohishalik qilish uchun Tailandga jo‘natmoqchi bo‘lgan shaxs ushlangani hamda Buxoroda 40 ming so‘m evaziga uyida fohishaxona tashkil etgan ayolga nisbatan jinoyat ishi qo‘zg‘atilgani haqida xabar berilgandi.
Izoh (0)