O‘zbekiston Prezidenti Shavkat Mirziyoyevning taklifiga binoan Pokiston bosh vaziri Imron Xon 15-iyul kuni rasmiy tashrif bilan Toshkentga keldi.
Ko‘ksaroy qarorgohida oliy martabali mehmonni rasmiy kutib olish marosimi bo‘ldi.
Shavkat Mirziyoyev va Imron Xon shohsupaga ko‘tarildi. O‘zbekiston va Pokiston davlat madhiyalari yangradi.
Marosimda ikki mamlakat rasmiy delegatsiyasi a’zolari ham hozir bo‘ldi.
Ayni paytda tor doiradagi muzokaralar bo‘lib o‘tmoqda.
Bundan avval Shavkat Mirziyoyev Xitoy tashqi ishlar vazirini qabul qilgani, Shavkat Mirziyoyev Toshkentda bo‘lib o‘tayotgan konferensiya doirasida Afg‘oniston prezidenti bilan uchrashgani haqida xabar berilgandi.
Izoh (0)