6-iyul kuni soat 17:00 larda Kaliforniyadagi Ataskadero shahri aholisi osmonda bir guruh parashyutchilar uchayotgani, ulardan biri esa boshqaruvni yo‘qotib, havoda aylanayotganiga guvoh bo‘ldi, deb yozadi Meduza.
Oradan biroz o‘tgach, parashyutchi atrofdagi uylardan birining ustiga urilib, tomni teshib o‘tgan va oshxonaga qulagan. Qulash vaqtida uy ichida hech kim bo‘lmagani sabab, biror kishiga jarohat yetmagan. Hamshira bo‘lib ishlovchi Rouz Martin ismli qo‘shni ayol yordamga yetib kelgan.
“Qo‘shni uyga yugurib kelib, erkakka hech narsa qilmaganiga ishonch hosil qilish maqsadida uni ko‘zdan kechirdim. Uning ko‘zlari ochiq edi, ammo u jarohat olgan-olmaganini bilmasdim — shuning uchun unga teginishlarini xohlamadim”, — deydi Martin.
Hayratlanarli jihati, erkak bu kabi qulash oqibatida jiddiy jarohat olmaganida. Ataskadero politsiya departamentinign press-rezilida yozishicha, parashyutchi hushida bo‘lgan va og‘riqdan shikoyat qilgan, biroq unga jiddiy shikast yetmagan. Erkak o‘rtacha tan jarohati bilan shifoxonaga yetkazilgan.
Keyinroq ma’lum bo‘lishicha, jabrlanuvchi mashg‘ulot sakrashini amalga oshirgan britaniyalik harbiy xizmatchi bo‘lgan. Uning parashyuti oxirigacha ochilmay qolgan, boshqa harbiylar esa yerga muvaffaqiyatli qo‘ngan.
https://twitter.com/skkboz/status/1414436882981658635
Uy egasining qarindoshi bo‘lgan Linda Selladi parashyutchi qulash oqibatida mebel va maishiy texnikaga shikast yetkazmaganini “hayratlanarli” deb atagan. Rouz Martin esa buni “mo‘jiza” deya ta’riflagan.
Eslatib o‘tamiz, 2018-yilda 1 kilometr balandlikdan sakrash chog‘ida parashyuti ochilmay qolgan rossiyalik omon qolgandi.
Izoh (0)