6 июль куни соат 17:00 ларда Калифорниядаги Атаскадеро шаҳри аҳолиси осмонда бир гуруҳ парашютчилар учаётгани, улардан бири эса бошқарувни йўқотиб, ҳавода айланаётганига гувоҳ бўлди, деб ёзади Meduza.
Орадан бироз ўтгач, парашютчи атрофдаги уйлардан бирининг устига урилиб, томни тешиб ўтган ва ошхонага қулаган. Қулаш вақтида уй ичида ҳеч ким бўлмагани сабаб, бирор кишига жароҳат етмаган. Ҳамшира бўлиб ишловчи Роуз Мартин исмли қўшни аёл ёрдамга етиб келган.
«Қўшни уйга югуриб келиб, эркакка ҳеч нарса қилмаганига ишонч ҳосил қилиш мақсадида уни кўздан кечирдим. Унинг кўзлари очиқ эди, аммо у жароҳат олган-олмаганини билмасдим — шунинг учун унга тегинишларини хоҳламадим», — дейди Мартин.
Ҳайратланарли жиҳати, эркак бу каби қулаш оқибатида жиддий жароҳат олмаганида. Атаскадеро полиция департаментинигн пресс-резилида ёзишича, парашютчи ҳушида бўлган ва оғриқдан шикоят қилган, бироқ унга жиддий шикаст етмаган. Эркак ўртача тан жароҳати билан шифохонага етказилган.
Кейинроқ маълум бўлишича, жабрланувчи машғулот сакрашини амалга оширган британиялик ҳарбий хизматчи бўлган. Унинг парашюти охиригача очилмай қолган, бошқа ҳарбийлар эса ерга муваффақиятли қўнган.
https://twitter.com/skkboz/status/1414436882981658635
Уй эгасининг қариндоши бўлган Линда Селлади парашютчи қулаш оқибатида мебель ва маиший техникага шикаст етказмаганини «ҳайратланарли» деб атаган. Роуз Мартин эса буни «мўъжиза» дея таърифлаган.
Эслатиб ўтамиз, 2018 йилда 1 километр баландликдан сакраш чоғида парашюти очилмай қолган россиялик омон қолганди.
Изоҳ (0)