Toshkent vrachlar malakasini oshirish instituti binosida juda muhim voqea — maishiy texnika ishlab chiqarish segmentida Yevropa yetakchilaridan biri bo‘lgan, Beko kompaniyasidan 6 ta O‘SSh uskunalari O‘zbekiston Respublikasi shifokorlariga bepul foydalanish uchun topshirish marosimi bo‘lib o‘tdi. Tadbirda Toshkent vrachlar malakasini oshirish instituti rektori Habibulla Oqilov boshchiligidagi professor-o‘qituvchilar va tibbiyot xodimlar ishtirok etishdi.
Matbuot Beko kompaniyasi vakili, Beko Central Asia bosh menejeri Saffet Ferrux Girgin bilan muloqot qilishga va atroflicha javoblar olishga muvaffaq bo‘ldi.
O‘zbekiston aholisi Beko brendini yuqori sifatli, ishonchli va arzon maishiy texnika ishlab chiqaruvchisi sifatida yaxshi biladi. O‘SSh uskunasi kabi murakkab tibbiy texnologiya ham Beko mutaxassislarining ishlanmasimi?
Ha, O‘SSh uskunasi — bu Istanbul shahridagi ochiq innovatsion markazi — Arçelik Garage’da dastlabki prototipli O‘SSh uskunasini loyihalash va sinovdan o‘tkazishda, ikki hafta ichida rekord o‘rnatgan 130 nafar muhandisdan iborat jamoamiz ishining natijasi.
Beko’ning Turkiya hukumati va biznesi bilan hamkorlikdagi faoliyati tufayli biz bir kecha-kunduzda, barcha ilmiy-tadqiqot va ishlab chiqarish quvvatlarini bugungi kunda zarur bo‘lgan asbob-uskunalarni ishlab chiqarishga yo‘naltirishga muvaffaq bo‘ldik.
Qanday mutaxassislar, kompaniyalar va vositalar yaratilish jarayonida ishtirok etdi? Bu O‘SSh apparatlarini ishlab chiqarish qanday amalga oshirildi?
Arçelik konserni, Beko bosh kompaniyasi ushbu O‘SSh uskunalarini yaratishda aviatsiya kompaniyasi Baykar Technologies, mudofaa firmasi Aselsan va Biosys startapini jalb qildi. Ularning mutaxassislari qurilmaning noyob dizaynini ishlab chiqdi.
Ikki hafta davomida bizning muhandislar jamoasi seriyali ishlab chiqarish eng qisqa vaqt ichida ishga tushirilishi uchun dasturiy ta’minotni moslashtirish, O‘SSh uskunalari elektronikasi va mexanikasini optimallashtirish ustida tinimsiz ishladi. Yaratilishning barcha bosqichlari Turkiyadagi Arçelik Garage ochiq innovatsion markazimiz bazasida bo‘lib o‘tdi. Uskunaning birinchi prototipi ham shu yerda yasaldi va sinovdan o‘tdi.
Mutaxassislarning muvofiqlashtirilgan ishi tufayli biz notijorat asosda, uskunalar ishlab chiqarishga muvaffaq bo‘ldik. Iyun oyining boshiga kelib, Arçelik Çerkezköy Electronics’da Turkiya va chet elga tarqatish uchun 5000 ta qurilma ishlab chiqarildi. Ishning barcha bosqichlari Turkiyaning Sanoat va savdo vazirligi, Sog‘liqni saqlash vazirligi rahbarligida amalga oshirildi.
Brendli O‘SSh uskunalarining chiqarilishi kelajakda Beko’da tibbiy asbob-uskunalarning seriyali ishlab chiqarilishining boshlanishimi?
Arçelik A.Ş. konserni dunyoning deyarli 150 mamlakatini birlashtiradi va ularsiz zamonaviy insonning kundalik hayotini tasavvur qilishning iloji bo‘lmagan uskunalar ishlab chiqaradi. Biz nafaqat texnik mahsulotlarimiz sifati va qulayligi, balki sayyoramiz ekologiyasi haqida ham qayg‘uramiz, sport tadbirlarini qo‘llab-quvvatlaymiz, texnik OTMlar bilan hamkorlik qilamiz. Ushbu uskunalarni yaratish tashabbusi ulkan jamoaviy sa’y-harakatlar va ko‘p tarmoqli muhandislik yondashuvini birlashtirdi. Loyihaning maqsadi juda qisqa vaqt ichida O‘SSh uskunalarini ishlab chiqish va seriyali ishlab chiqarish edi. Chunki ular ko‘pincha butun dunyo bo‘ylab COVID-19’dan hayotni saqlab qolish uchun so‘nggi imkoniyatdir. Albatta, biz ishlanmalar ustidagi faoliyatimizni davom ettiramiz va har doimgidek jamiyatimizga maksimal foyda keltirishga harakat qilamiz.
Beko tomonidan ushbu O‘SSh uskunalarini yaratishda qanday zamonaviy texnologiyalar va yechimlardan foydalanilgan?
Biz ajoyib poydevor bo‘lib xizmat qilgan, ammo ommaviy ishlab chiqarishga yaroqsiz uskuna ustida ish boshladik. Uskuna aqlli elektron sxemadan, yuqori sezgir bosimni nazorat qilish algoritmidan va uning mexanik qismidagi ilg‘or texnologiyalardan iborat edi. Uning yordami bilan shifokorlar bemorlarning ahvoli to‘g‘risida olingan ma’lumotlarga asoslanib, bemorlarga respirator qo‘llab-quvvatlashni ta’minlashi va uskuna ishlash ko‘rsatkichlarini o‘zgartirishi mumkin edi.
Arçelik A.Ş. professionallari muhandislik va ishlab chiqarish yechimlaridan foydalangan holda, uskunaning mexanik dizaynini o‘zgartirishga va uni ommaviy ishlab chiqarishga tayyorlashga muvaffaq bo‘ldi.
Pandemiya tufayli biz bir qator muammolarga duch keldik, ammo Arçelik mavjud barcha imkoniyatlardan foydalanib, uning ishlab chiqarish va ilmiy-tadqiqot aktivlari maishiy texnika ishlab chiqarish bilan chegaralanmasligini isbotladi. Samarali yechimlarni qabul qilish, uskuna prototipini tezkor yaratish, innovatsion texnologiyalarni joriy etish va Arçelik kompaniyasining kuchli ishlab chiqarish imkoniyatlari ushbu O‘SSh uskunasini ommaviy ishlab chiqarish uchun taqdim etdi.
Turkiya shifoxonalarida Turkiya O‘SSh uskunalari qanchalik muvaffaqiyatli ishlamoqda? Turkiya klinikalariga va xorijga qancha qurilmalar yetkazib berildi?
Bugungi kunda Arçelik konserni sayyoramiz bo‘ylab, hayotni qutqarib qoluvchi 5000 ta O‘SSh uskunalarini ishlab chiqardi. 3073 donasi allaqachon dunyoning 18 mamlakatiga, shu jumladan, Braziliya va Somaliga jo‘natildi. Bular COVID-19’dan eng ko‘p zarar ko‘rgan mamlakatlardir. O‘SSh uskunalarimizni O‘zbekistondan tashqari, Chad Respublikasi, Nigeriya, Niger, Ozarbayjon, Liviya, BAA, Dog‘iston, Suriya, Afg‘oniston, Ruminiya va Bangladesh shifokorlari ham qabul qilib olishdi. Hanuz virusga qarshi kurash olib borayotgan boshqa mamlakatlarga ham jo‘natishni davom ettirmoqdamiz. Yaqin kelajakda Ukraina, Rossiya, Indoneziya, Pokiston, Keniya, Janubiy Afrika va Hindiston ham bizning O‘SSh uskunalarimizni qabul qilib olishadi.
Uskunamizning zamonaviy elektronikasi va mexanikasi uni juda yuqori omilkorlik, mahsuldorlik va foydalanishda qulaylik bilan ta’minlaydi. Uskunamiz mudofaa muhandislari bilan hamkorlikda ishlab chiqarilgan va nafas olish fiziologiyasi bo‘yicha mutaxassis shifokorlar tomonidan tasdiqlangan. U barcha xalqaro xavfsizlik standartlariga va umumiy texnik talablarga javob beradi.
Eslatib o‘tamiz, O‘zbekistonda kasallik yuqtirganlar soni, ayniqsa, bolalar va homilador ayollar orasida keskin ko‘paygan. Shuning uchun Beko kompaniyasining O‘SSh uskunalari nafaqat Turkiya tomondan ulkan bag‘rikenglik, balki respublika shifokorlari va bemorlariga o‘z vaqtida berilgan yordam hamdir.
Reklama huquqi asosida.
Izoh (0)