Тошкент врачлар малакасини ошириш институти биносида жуда муҳим воқеа — маиший техника ишлаб чиқариш сегментида Европа етакчиларидан бири бўлган, Beko компаниясидан 6 та ЎСШ ускуналари Ўзбекистон Республикаси шифокорларига бепул фойдаланиш учун топшириш маросими бўлиб ўтди. Тадбирда Тошкент врачлар малакасини ошириш институти ректори Ҳабибулла Оқилов бошчилигидаги профессор-ўқитувчилар ва тиббиёт ходимлар иштирок этишди.
Матбуот Beko компанияси вакили, Beko Central Asia бош менежери Саффет Феррух Гиргин билан мулоқот қилишга ва атрофлича жавоблар олишга муваффақ бўлди.
Ўзбекистон аҳолиси Beko брендини юқори сифатли, ишончли ва арзон маиший техника ишлаб чиқарувчиси сифатида яхши билади. ЎСШ ускунаси каби мураккаб тиббий технология ҳам Beko мутахассисларининг ишланмасими?
Ҳа, ЎСШ ускунаси — бу Истанбул шаҳридаги очиқ инновацион маркази — Arçelik Garage’да дастлабки прототипли ЎСШ ускунасини лойиҳалаш ва синовдан ўтказишда, икки ҳафта ичида рекорд ўрнатган 130 нафар муҳандисдан иборат жамоамиз ишининг натижаси.
Beko’нинг Туркия ҳукумати ва бизнеси билан ҳамкорликдаги фаолияти туфайли биз бир кеча-кундузда, барча илмий-тадқиқот ва ишлаб чиқариш қувватларини бугунги кунда зарур бўлган асбоб-ускуналарни ишлаб чиқаришга йўналтиришга муваффақ бўлдик.
Қандай мутахассислар, компаниялар ва воситалар яратилиш жараёнида иштирок этди? Бу ЎСШ аппаратларини ишлаб чиқариш қандай амалга оширилди?
Arçelik концерни, Beko бош компанияси ушбу ЎСШ ускуналарини яратишда авиация компанияси Baykar Technologies, мудофаа фирмаси Aselsan ва Biosys стартапини жалб қилди. Уларнинг мутахассислари қурилманинг ноёб дизайнини ишлаб чиқди.
Икки ҳафта давомида бизнинг муҳандислар жамоаси серияли ишлаб чиқариш энг қисқа вақт ичида ишга туширилиши учун дастурий таъминотни мослаштириш, ЎСШ ускуналари электроникаси ва механикасини оптималлаштириш устида тинимсиз ишлади. Яратилишнинг барча босқичлари Туркиядаги Arçelik Garage очиқ инновацион марказимиз базасида бўлиб ўтди. Ускунанинг биринчи прототипи ҳам шу ерда ясалди ва синовдан ўтди.
Мутахассисларнинг мувофиқлаштирилган иши туфайли биз нотижорат асосда, ускуналар ишлаб чиқаришга муваффақ бўлдик. Июнь ойининг бошига келиб, Arçelik Çerkezköy Electronics’да Туркия ва чет элга тарқатиш учун 5000 та қурилма ишлаб чиқарилди. Ишнинг барча босқичлари Туркиянинг Саноат ва савдо вазирлиги, Соғлиқни сақлаш вазирлиги раҳбарлигида амалга оширилди.
Брендли ЎСШ ускуналарининг чиқарилиши келажакда Beko’да тиббий асбоб-ускуналарнинг серияли ишлаб чиқарилишининг бошланишими?
Arçelik A.Ş. концерни дунёнинг деярли 150 мамлакатини бирлаштиради ва уларсиз замонавий инсоннинг кундалик ҳаётини тасаввур қилишнинг иложи бўлмаган ускуналар ишлаб чиқаради. Биз нафақат техник маҳсулотларимиз сифати ва қулайлиги, балки сайёрамиз экологияси ҳақида ҳам қайғурамиз, спорт тадбирларини қўллаб-қувватлаймиз, техник ОТМлар билан ҳамкорлик қиламиз. Ушбу ускуналарни яратиш ташаббуси улкан жамоавий саъй-ҳаракатлар ва кўп тармоқли муҳандислик ёндашувини бирлаштирди. Лойиҳанинг мақсади жуда қисқа вақт ичида ЎСШ ускуналарини ишлаб чиқиш ва серияли ишлаб чиқариш эди. Чунки улар кўпинча бутун дунё бўйлаб COVID-19’дан ҳаётни сақлаб қолиш учун сўнгги имкониятдир. Албатта, биз ишланмалар устидаги фаолиятимизни давом эттирамиз ва ҳар доимгидек жамиятимизга максимал фойда келтиришга ҳаракат қиламиз.
Beko томонидан ушбу ЎСШ ускуналарини яратишда қандай замонавий технологиялар ва ечимлардан фойдаланилган?
Биз ажойиб пойдевор бўлиб хизмат қилган, аммо оммавий ишлаб чиқаришга яроқсиз ускуна устида иш бошладик. Ускуна ақлли электрон схемадан, юқори сезгир босимни назорат қилиш алгоритмидан ва унинг механик қисмидаги илғор технологиялардан иборат эди. Унинг ёрдами билан шифокорлар беморларнинг аҳволи тўғрисида олинган маълумотларга асосланиб, беморларга респиратор қўллаб-қувватлашни таъминлаши ва ускуна ишлаш кўрсаткичларини ўзгартириши мумкин эди.
Arçelik A.Ş. профессионаллари муҳандислик ва ишлаб чиқариш ечимларидан фойдаланган ҳолда, ускунанинг механик дизайнини ўзгартиришга ва уни оммавий ишлаб чиқаришга тайёрлашга муваффақ бўлди.
Пандемия туфайли биз бир қатор муаммоларга дуч келдик, аммо Arçelik мавжуд барча имкониятлардан фойдаланиб, унинг ишлаб чиқариш ва илмий-тадқиқот активлари маиший техника ишлаб чиқариш билан чегараланмаслигини исботлади. Самарали ечимларни қабул қилиш, ускуна прототипини тезкор яратиш, инновацион технологияларни жорий этиш ва Arçelik компаниясининг кучли ишлаб чиқариш имкониятлари ушбу ЎСШ ускунасини оммавий ишлаб чиқариш учун тақдим этди.
Туркия шифохоналарида Туркия ЎСШ ускуналари қанчалик муваффақиятли ишламоқда? Туркия клиникаларига ва хорижга қанча қурилмалар етказиб берилди?
Бугунги кунда Arçelik концерни сайёрамиз бўйлаб, ҳаётни қутқариб қолувчи 5000 та ЎСШ ускуналарини ишлаб чиқарди. 3073 донаси аллақачон дунёнинг 18 мамлакатига, шу жумладан, Бразилия ва Сомалига жўнатилди. Булар COVID-19’дан энг кўп зарар кўрган мамлакатлардир. ЎСШ ускуналаримизни Ўзбекистондан ташқари, Чад Республикаси, Нигерия, Нигер, Озарбайжон, Ливия, БАА, Доғистон, Сурия, Афғонистон, Руминия ва Бангладеш шифокорлари ҳам қабул қилиб олишди. Ҳануз вирусга қарши кураш олиб бораётган бошқа мамлакатларга ҳам жўнатишни давом эттирмоқдамиз. Яқин келажакда Украина, Россия, Индонезия, Покистон, Кения, Жанубий Африка ва Ҳиндистон ҳам бизнинг ЎСШ ускуналаримизни қабул қилиб олишади.
Ускунамизнинг замонавий электроникаси ва механикаси уни жуда юқори омилкорлик, маҳсулдорлик ва фойдаланишда қулайлик билан таъминлайди. Ускунамиз мудофаа муҳандислари билан ҳамкорликда ишлаб чиқарилган ва нафас олиш физиологияси бўйича мутахассис шифокорлар томонидан тасдиқланган. У барча халқаро хавфсизлик стандартларига ва умумий техник талабларга жавоб беради.
Эслатиб ўтамиз, Ўзбекистонда касаллик юқтирганлар сони, айниқса, болалар ва ҳомиладор аёллар орасида кескин кўпайган. Шунинг учун Beko компаниясининг ЎСШ ускуналари нафақат Туркия томондан улкан бағрикенглик, балки республика шифокорлари ва беморларига ўз вақтида берилган ёрдам ҳамдир.
Реклама ҳуқуқи асосида.
Изоҳ (0)