Olmaotada “Noqonuniy” profilaktika ishlari natijasida mamlakatda qonunga zid ravishda bo‘lib turgan o‘n nafar O‘zbekiston fuqarosi qo‘lga olindi, deb yozadi DKN’ga tayanib Repost.
“Qozog‘iston konsulligi va politsiya boshqarmasi kuchlari bilan qo‘lga olingan fuqarolar avtobusga joylashtirilib, O‘zbekiston chegarasiga olib borib qo‘yildi. Ushbu fuqarolarga vataniga qaytish guvohnomalari berilgan”, – dedi Asxat Butunchinov, Olmaota shahar Migratsiya xizmati bo‘limi boshlig‘i.
Qayd etilishicha, chiqarib yuborilganlar orasida bir necha yil oldin sud qarori bilan uyiga ketishi kerak bo‘lgan, ammo qonuniy yoki moliyaviy sabablarga ko‘ra buni bajara olmagan fuqarolar ham bor.
Bundan avval Leningraddagi qurilish maydonida 22 yoshli O‘zbekiston fuqarosi balandlikdan qulab, vafot etgani, Moskvada muhojirlar o‘rniga mahbuslarni qurilish ishlariga jalb qilish boshlangani hamda Rossiyada migrantlar bilishi shart bo‘lgan minimal talablar belgilangani haqida xabar berilgandi.
Izoh (0)