Bugun,

  • USD 11095.31
  • RUB 173.84
  • EUR 10772.44

Rossiya bosh vaziri Mixail Mishustin migrantlar tomonidan imtihon topshirishda minimal bilim darajasiga qo‘yiladigan talablarni tasdiqladi. Bu haqda “Rossiyskaya gazeta” xabar qildi.

Foto: Tashqi mehnat migratsiyasi agentligi

Foto: Tashqi mehnat migratsiyasi agentligi

Ushbu talablar Rossiyada ishlashga ruxsat olish yoki patent olish uchun murojaat qilgan chet elliklar tomonidan rus tili xorijiy til sifatida, Rossiya tarixi va Rossiya qonunchiligining asoslari bo‘yicha topshiradigan imtihonlarida amal qiladi.

Hujjatga ko‘ra, rus tili bo‘yicha imtihonda mehnat migrantlari ijtimoiy, kundalik hayotda hamda ba’zi sohalardagi ma’lumotlarni qabul qila olishi, o‘qishi va talaffuz qilishi shart. Bundan tashqari, talabgorlar hujjatlar, blanklar va arizalarni to‘ldirishni bilishlari ham kerak bo‘ladi.

Rossiya tarixi bo‘yicha imtihonda migrantlar muhim faktlar va voqealarni bilishlari kerak. Shuningdek, ular poytaxt, boshqa yirik shaharlarning nomlarini, asosiy davlat bayramlarini o‘rganishlari shart bo‘ladi. Rossiya qonunchiligi asoslari bo‘yicha Rossiya hududida bo‘lish paytida chet el fuqarolarining asosiy huquqlari, erkinliklari va majburiyatlari to‘g‘risida xabardor bo‘lishlari talab etiladi.

Shuningdek, yashash uchun ruxsatnoma olish uchun talablar kengaytirilgan. Endi xorijliklar eshitgan barcha gaplarning ma’nosini tushunishi zarur. Qolaversa, asosiy voqealar xronologiyasini, shuningdek, Rossiya va SSSRning taniqli arboblarini, asosiy milliy, madaniy va diniy urf-odatlarni yodda saqlashlari shart.

Migrantlar o‘z huquqlari, erkinliklari va majburiyatlaridan tashqari konstitutsiyaviy tuzum asoslarini, Rossiya mehnat, fuqarolik va oilaviy qonunchilik tamoyillarini ham bilishlari kerak.

Bundan avval o‘zbekistonliklarning 1,7 million nafari chet elda, asosan, Rossiya va Qozog‘istonda mehnat qilayotgani aytilgani, Rossiyada ba’zi muhojirlar uchun maxsus huquqiy rejim joriy qilinishi hamda Rossiyada mehnat muhojirlarini mahbuslar bilan almashtirish taklif etilgani haqida xabar qilingandi.

Izoh
Asosiy yangiliklar
Mahalliy
Oʻzbekistonda yashil energetika davri boshlanganiga uch yil boʻldi. Nimalar oʻzgardi?
Mahalliy
Fotoreportaj: Prezident tashrifiga tayyorgarlik ko‘rayotgan Namangan
Sport
Lionel Messi Krishtianu Ronalduning rekordini yangiladi