Smartfonlar tobora kattalashib borayotgan bir vaqtda kompaniyalardan biri oqimga qarshi suzishga qaror qilib, 4G aloqa tarmog‘iga ega eng kichkina telefonni taqdim etmoqchi, deb xabar beradi Hi-Tech.Mail.ru.

Ixcham Mony Mist qurilmasining o‘lchami 89,5 x 45,5 x 11,5 millimetrni, og‘irligi 75 grammni tashkil etadi. Loyiha Kickstarter maydonchasida taqdim etilgan.

O‘lchamlarining kichikligiga qaramay, smartfon 480x853 pikselli 3 dyuymga ega suyuq kristall ekran bilan jihozlangan. U to‘rt yadroli Corex-A53 (1,3 gigagerts) MediaTek MT6735 bazasida hamda Mali T720 grafik protsessorida ishlaydi.

Smartfonga 3 gigabayt tezkor va 32 gigabayt ichki xotira o‘rnatilgan. Orga kamerasi — soxta, unda to‘rtta datchik emas, balki 13 megapikselli bitta modul joylashgan. Shuningdek, 480p’li selfi-kamerasi mavjud.

Akkumulyator sig‘imi 1250 mA/soatni tashkil etadi. O‘ng yon tomonidan o‘chirib-yoqish tugmasi, chap tomonida esa ovozni boshqaruvchi klavish joylashgan. USB-C porti pastdagi ikkita dinamiklar to‘rining o‘rtasida joylashgan. Qurilma Wi-Fi va Bluetooth’ni (4.0 ga qadar cheklangan) qo‘llab-quvvatlaydi.

Smartfonni ayni vaqtda 99 dollardan buyurtma qilish mumkin, keyinchalik narxi 150 dollarga ko‘tariladi.

Eslatib o‘tamiz, 2020-yilning iyulida Kickstarter kraudfanding maydonchasida 3 dyuymli ekranga ega zamonaviy va qulay Jelly 2 smartfoni paydo bo‘lgandi.