2021-yilning boshida eng ko‘p sotilgan 10 ta smartfon nomi ma’lum bo‘ldi. Ularning oltitasi iPhone modellari

Counterpoint Research tahliliy kompaniyasi 2021-yilning yanvarida dunyo bo‘ylab sotilgan smartfonlarga oid hisobotini tayyorladi. Ro‘yxatdagi eng mashhur 10 ta smartfonning oltitasi iPhone, qolganlari u qadar qimmat bo‘lmagan Android modellari, deb yozadi Hi-Tech.Mail.ru.

Eng talabgir smartfon sifatida 2020-yilning oktabrida sotuvga chiqqan oddiy iPhone 12 tan olingan. Yangi lineykadagi qolgan modellar ham ro‘yxatga kiritilgan:

• iPhone 12 — ulushi 6 foiz;
• iPhone 12 Pro Max — 5 foiz;
• iPhone 12 Pro — 4 foiz;
• iPhone 11 — 2 foiz;
• Xiaomi Redmi 9A — 2 foiz;
• Xiaomi Redmi 9 — 2 foiz;
• Samsung Galaxy A21S — 1 foiz;
• iPhone 12 mini — 1 foiz;
• Samsung Galaxy A31 — 1 foiz;
• iPhone SE 2020 — 1 foiz.

Yangi lineykalar orasida eng ajralib turgani iPhone 12 mini — u iPhone 12’ning qolgan modellariga nisbatan u qadar ommalashmagan. Smartfon ixcham korpusga ega 5,4 dyuymli ekranga ega bo‘lib, hozirda kichkina smartfonlarga bo‘lgan talab juda past. Avvalroq AnTuTu benchmarki mart oyi yakunlari bo‘yicha ishlash samaradorligi eng yuqori bo‘lgan smartfonlar reytingini taqdim etgandi. 2021-yilda oldingi ro‘yxat keskin o‘zgarishni boshlagan, chunki Snapdragon 865 protsessori o‘rnatilgan oldingi avlod flagmanlari o‘rniga Snapdragon 888 o‘rnatilgan yangi modellar kelmoqda.

Mavzuga doir: 5G aloqa tarmog‘ida ishlaydigan eng tezkor smartfonlar nomi ma’lum qilindi. iPhone 12 raqiblaridan ancha ortda qolmoqda