O‘zbekistonda 10-iyul kuni 485 kishida koronavirus aniqlanib, mamlakatda COVID-19 rasman qayd etilganlar soni 115 963 nafarga yetdi, deb xabar bermoqda Sog‘liqni saqlash vazirligi.
Yangi kasallanish holatlarining:
- 51 nafari Qoraqalpog‘iston Respublikasida,
- 16 nafari Andijon viloyatida,
- 22 nafari Buxoro viloyatida,
- 36 nafari Jizzax viloyatida,
- 19 nafari Qashqadaryo viloyatida,
- 9 nafari Navoiy viloyatida,
- 15 nafari Namangan viloyatida,
- 35 nafari Samarqand viloyatida,
- 18 nafari Sirdaryo viloyatida,
- 25 nafari Surxondaryo viloyatida,
- 19 nafari Farg‘ona viloyatida,
- 14 nafari Xorazm viloyatida,
- 52 nafari Toshkent viloyatida,
- 154 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Vazirlik tomonidan O‘zbekistonda koronavirusning tarqalishiga doir yuritilayotgan rasmiy statistik ma’lumotlarga ko‘ra, 10-iyul kuni Qoraqalpog‘istonda 51 kishida kasallanish holati tasdiqlangani 2021-yildagi antirekord bo‘ldi (9-iyulda 27-kishida, 8-iyulda 28 kishida, 7-iyulda 33 kishida kasallik aniqlangandi).
Vazirlikning qayd etishicha, so‘nggi sutkada jami 430 kishi —Qoraqalpog‘iston Respublikasida 54 nafar, Andijon viloyatida 24 nafar, Buxoro viloyatida 15 nafar, Jizzax viloyatida 51 nafar, Qashqadaryo viloyatida 15 nafar, Navoiy viloyatida 11 nafar, Namangan viloyatida 16 nafar, Samarqand viloyatida 92 nafar, Sirdaryo viloyatida 29 nafar Farg‘ona viloyatida 56 nafar, Xorazm viloyatida 10 nafar, Toshkent viloyatida 39 nafar, Toshkent shahrida 18 nafar bemor tuzalib, kasallikdan sog‘ayganlar soni 111 189 nafarga yetdi va sog‘ayish ko‘rsatkichi 96 foizni tashkil etmoqda.
Shuningdek, 4 nafar koronavirusga chalingan bemor vafot etib, kasallikdan vafot etganlar soni 771 nafarni tashkil qilmoqda.
SSVning rasmiy statistik ma’lumotlarga ko‘ra, butun O‘zbekiston bo‘yicha davolanayotgan bemorlar soni 4003 nafarni tashkil qilmoqda.
Eslatib o‘tamiz, SSV 6-iyuldan boshlab pnevmoniya statistikasini e’lon qilishni boshladi. 2020-yilning iyulida Milliy TV telekanali orqali efirga uzatilgan “Tez yordam” ko‘rsatuvining 5-sonida O‘zbekistonda kuzatilayotgan pnevmoniya holatlarining koronavirusga qanchalik aloqador bo‘lishi mumkinligiga to‘xtalib o‘tilgandi. O‘shanda immunolog-infeksionist, tibbiyot fanlari nomzodi Aziza Xo‘jayeva koronavirus alohida, pnevmoniya alohida kasallik ekani to‘g‘risida ma’lumot bergan edi.
Mamlakatda kasallanish holatlari ortayotgani tufayli kovid-markazlar qayta ochilmoqda. Xususan, Toshkentda DXX tasarrufidagi “Yoshlik” sport majmuasida, IIV tasarrufidagi “Universal” sport majmuasida 700 koyka-o‘ringa mo‘ljallangan kovid-markaz, “O‘zekspomarkaz”da 750 o‘rinli koronavirusga chalingan bemorlarni davolashga ixtisoslashgan markaz qaytadan tashkil etildi. Uchtepa tumanidagi sport saroyida COVID-19 bilan kasallangan bemorlarni davolash uchun 100 o‘ringa mo‘ljallangan zaxira markazi, Jahon tillari universiteti talabalar turar joyida 300 o‘ringa mo‘ljallangan zaxira markazi tayyorlanmoqda.
Samarqandda ham 1000 o‘rinli saralash va taqsimlash markazi o‘z faoliyatini qayta boshladi. Namanganda 400 bemorni davolashga mo‘ljallangan “Barkamol avlod” sport majmuasida tashkil etilgan davolash va taqsimlash markazi faoliyati qayta tiklandi.
Izoh (0)