Isroil Sog‘liqni saqlash vazirligi koronavirus bilan kasallanish darajasi yuqori bo‘lgani sababli fuqarolarining O‘zbekiston va Belarusga sayohat qilishini taqiqladi. Bu haqda Repost xabar qildi.
Ma’lumotlarga ko‘ra, taqiq 12-iyuldan kuchga kiradi. O‘z navbatida Isroildan sayohat qilish taqiqlangan mamlakatlarning amaldagi ro‘yxati kengaytirildi. Ushbu ro‘yxatdan Meksika, Argentina, Braziliya, Hindiston, Janubiy Afrika va Rossiya joy olgan.
Ushbu sakkiz mamlakatdan biriga tashrif buyurishni istagan Isroil fuqarolari va mamlakatning doimiy aholisi amaldagi qoidalardan foydalanish uchun komissiyadan ruxsat so‘rashi kerak.
Shu bilan birga, Isroilga kelgan ushbu sakkiz mamlakat fuqarosi, shu jumladan, sog‘aygan va emlanganlar o‘n kunlik karantinda bo‘lishi shart.
Bundan avval dunyoda koronavirusga uchinchi marta chalinish holatlari qayd etilayotgani hamda koronavirus sabab Britaniya pasportining “kuchi” O‘zbekistonniki bilan tenglashib qolgani haqida xabar berilgandi.
Izoh (0)