Ўзбекистонда 10 июль куни 485 кишида коронавирус аниқланиб, мамлакатда COVID-19 расман қайд этилганлар сони 115 963 нафарга етди, деб хабар бермоқда Соғлиқни сақлаш вазирлиги.
Янги касалланиш ҳолатларининг:
- 51 нафари Қорақалпоғистон Республикасида,
- 16 нафари Андижон вилоятида,
- 22 нафари Бухоро вилоятида,
- 36 нафари Жиззах вилоятида,
- 19 нафари Қашқадарё вилоятида,
- 9 нафари Навоий вилоятида,
- 15 нафари Наманган вилоятида,
- 35 нафари Самарқанд вилоятида,
- 18 нафари Сирдарё вилоятида,
- 25 нафари Сурхондарё вилоятида,
- 19 нафари Фарғона вилоятида,
- 14 нафари Хоразм вилоятида,
- 52 нафари Тошкент вилоятида,
- 154 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Вазирлик томонидан Ўзбекистонда коронавируснинг тарқалишига доир юритилаётган расмий статистик маълумотларга кўра, 10 июль куни Қорақалпоғистонда 51 кишида касалланиш ҳолати тасдиқлангани 2021 йилдаги антирекорд бўлди (9 июлда 27-кишида, 8 июлда 28 кишида, 7 июлда 33 кишида касаллик аниқланганди).
Вазирликнинг қайд этишича, сўнгги суткада жами 430 киши —Қорақалпоғистон Республикасида 54 нафар, Андижон вилоятида 24 нафар, Бухоро вилоятида 15 нафар, Жиззах вилоятида 51 нафар, Қашқадарё вилоятида 15 нафар, Навоий вилоятида 11 нафар, Наманган вилоятида 16 нафар, Самарқанд вилоятида 92 нафар, Сирдарё вилоятида 29 нафар Фарғона вилоятида 56 нафар, Хоразм вилоятида 10 нафар, Тошкент вилоятида 39 нафар, Тошкент шаҳрида 18 нафар бемор тузалиб, касалликдан соғайганлар сони 111 189 нафарга етди ва соғайиш кўрсаткичи 96 фоизни ташкил этмоқда.
Шунингдек, 4 нафар коронавирусга чалинган бемор вафот этиб, касалликдан вафот этганлар сони 771 нафарни ташкил қилмоқда.
ССВнинг расмий статистик маълумотларга кўра, бутун Ўзбекистон бўйича даволанаётган беморлар сони 4003 нафарни ташкил қилмоқда.
Эслатиб ўтамиз, ССВ 6 июлдан бошлаб пневмония статистикасини эълон қилишни бошлади. 2020 йилнинг июлида Milliy TV телеканали орқали эфирга узатилган «Тез ёрдам» кўрсатувининг 5-сонида Ўзбекистонда кузатилаётган пневмония ҳолатларининг коронавирусга қанчалик алоқадор бўлиши мумкинлигига тўхталиб ўтилганди. Ўшанда иммунолог-инфекционист, тиббиёт фанлари номзоди Азиза Хўжаева коронавирус алоҳида, пневмония алоҳида касаллик экани тўғрисида маълумот берган эди.
Мамлакатда касалланиш ҳолатлари ортаётгани туфайли ковид-марказлар қайта очилмоқда. Хусусан, Тошкентда ДХХ тасарруфидаги «Ёшлик» спорт мажмуасида, ИИВ тасарруфидаги «Универсал» спорт мажмуасида 700 койка-ўринга мўлжалланган ковид-марказ, «Ўзэкспомарказ»да 750 ўринли коронавирусга чалинган беморларни даволашга ихтисослашган марказ қайтадан ташкил этилди. Учтепа туманидаги спорт саройида COVID-19 билан касалланган беморларни даволаш учун 100 ўринга мўлжалланган захира маркази, Жаҳон тиллари университети талабалар турар жойида 300 ўринга мўлжалланган захира маркази тайёрланмоқда.
Самарқандда ҳам 1000 ўринли саралаш ва тақсимлаш маркази ўз фаолиятини қайта бошлади. Наманганда 400 беморни даволашга мўлжалланган «Баркамол авлод» спорт мажмуасида ташкил этилган даволаш ва тақсимлаш маркази фаолияти қайта тикланди.
Изоҳ (0)