O‘zbekiston
Futbol bo‘yicha U-23 Osiyo Kubogi—2022 musobaqasining saralash bosqichiga qur’a tashlandi. Saralash bosqichida jamoalar 11 ta guruhga bo‘lingan holda bahs olib boradi. O‘zbekiston U-23 terma jamoasi D guruhida Saudiya Arabistoni, Bangladesh va Kuvaytga qarshi bahs olib boradi. Mazkur musobaqaning final bosqichi O‘zbekistonda bo‘lib o‘tadi. Shu sabab O‘zbekistonning saralash bosqichidagi o‘yinlari faqat o‘rtoqlik maqomiga ega bo‘ladi.
O‘zbekistonlik bokschi chempionga qarshi jang qiladi
Jahon
Amerika Kubogi—2021 musobaqasining bronza medali uchun bahs bo‘lib o‘tdi. Unda Kolumbiya va Peru jamoalari o‘zaro bahs yuritdi. Kolumbiyaliklar asosiy vaqtga qo‘shib berilgan daqiqalarda gol urgan holda o‘z tarixida beshinchi marta uchinchi o‘rinni qo‘lga kiritdi. O‘zbekiston vaqti bilan 11-iyul tongida Braziliya va Argentina o‘rtasidagi final uchrashuvi bo‘lib o‘tadi.
Amerika Kubogi—2021
3-o‘rin uchun bahs
Kolumbiya – Peru 3:2
Gollar: 0:1 – 45 Yotun, 1:1 – 49 Kuadrado, 2:1 – 66 Dias, 2:2 – 82 Lapadula, 3:2 – 90+4 Dias.Kolumbiya – Vargas, Medina, Mina (Sanches, 55), Murilo, Tesilyo, Kuadrado, Barrios (Muriel, 90), Kuelyar (Borre, 83), Dias, Kardona (Chara, 46), Sapata (Borxa, 55).
Peru – Galese, Korso (Lora, 78), Santamariya, Kalens, Lopes, Tapiya (Kartaxena, 24), Yotun, Karrilyo, Penya (Ormenyo, 78), Kueva (Garsiya, 69), Lapadula.
Ogohlantirishlar: Kardona (45), Kueva (50), Barrios (62), Karrilyo (63), Murilyo (87).
Barcha musobaqalarning onlayn jadvallari, o‘yinlar taqvimi, to‘purarlar ro‘yxati endi bitta joyda — ko‘rish.
“Chelsi” hujumchisi Olivye Jiru “Milan”ga o‘tishga yaqin. tomonlar kelishuvga erishgan, deya xabar qilmoqda Le Parisien. Milanliklar 34 yoshli futbolchi uchun 1 million yevro to‘laydi, shuningdek, yana 1 million miqdorida bonus ham nazarda tutilgan. Jiruning o‘zi “Milan” bilan ikki yillik shartnoma imzolaydi va yiliga 4 million yevro maosh oladi.
Serxio Ramos “PSJ”ga o‘tishidan avval “Arsenal”ning foydaliroq taklifini rad etgani ma’lum bo‘ldi. Londonliklar 35 yoshli himoyachiga yillik 17 million yevro maosh taklif qilgan. Biroq Ramos Chempionlar Ligasida qatnashishni ma’qul ko‘rgan va Parij variantini tanlagan. Uning “PSJ”dagi maoshi bonuslar bilan 15 million yevroni tashkil etadi.
Zinedin Zidan yaqin orada biror klubni boshqarish niyatida emas. 49 yoshli mutaxassis Fransiya terma jamoasini boshqarmoqchi va Didye Deshamning ketishini kutishga tayyor. Desham qo‘l ostidagi Fransiya Yevro—2020 da 1/8 finaldayoq o‘z yurishini to‘xtatdi, biroq keyinchalik mutaxassis JCh—2022 yakuniga qadar terma jamoada qolishi ma’lum qilindi.
Boks bo‘yicha WBC toifasida Jahon chempioni Tayson Fyuri va sobiq chempion Deontey Uaylder o‘rtasidagi 25-iyulda bo‘lib o‘tishi rejalashtirilgan jang bekor qilindi. Fyurining koronavirusga topshirgan testi ijobiy xulosa bergan. Ayrim xabarlarga ko‘ra, mazkur jang 2021-yilning 9-oktabrida bo‘lib o‘tadi.
Avvalroq 2021-yilda Fyuri to‘rtta yo‘nalish chempioni Entoni Joshuaga qarshi jang qilishi aytilgandi. Biroq Uaylder sudga murojaat qilgan va Fyuriga qarshi uchinchi jang amalga oshishiga erishgandi.
Izoh (0)