Inuitlar (Kanada shimolida yashovchi tub aholi guruhi)ning sobiq yetakchisi Meri Saymon Kanadaning yangi general-gubernatori etib tayinlandi. U ushbu lavozimni egallagan Kanada tub aholisining birinchi vakili bo‘ldi, deya xabar bermoqda CBC kanali.
Meri Saymon Kanadaning Kvebek provinsiyasi shimolidagi Kanjikualyujjuak qishlog‘ida tug‘ilgan. Onasi inuit, otasi esa ingliz bo‘lgan. Faoliyatining aksariyat qismida Saymon inuitlar huquqlarini himoya qilish bilan shug‘ullanib kelgan.
Shuningdek, u Kanadaning Daniyadagi elchisi (1999—2002) va “Inuit Tapiriit Kanatami” inuitlar tashkiloti (2006—2012) prezidenti bo‘lgan.
Ma’lumot uchun, Kanada general gubernatori — mamlakat monarxining rasmiy vakili hisoblanadi. U rasmiy marosimlarga oid vazifalarni bajaradi, xususan, bosh vazirga qasamyod qiladi va keyingi saylovlar oldidan parlamentning tarqatilishini ma’qullaydi. General-gubernator Kanada bosh vaziri tomonidan Britaniya monarxining roziligi bilan tayinlanadi. General-gubernator lavozimi ramziy ma’noga ega bo‘lishiga qaramay, rasmiy ravishda bu bosh vazir lavozimidan yuqori turadi.
Izoh (0)