Surxondaryo viloyati Jarqo‘rg‘on tumanida zaxiradagi yerni sotmoqchi bo‘lgan shaxs ushlandi, deya xabar bermoqda Bosh prokuratura huzuridagi departament matbuot xizmati.
Ma’lum qilinishicha, departamentning Jarqo‘rg‘on tuman bo‘limi tomonidan o‘tkazilgan tezkor tadbirda fuqaro N.M. noqonuniy daromad orttirish maqsadida aslida tuman hokimligi zaxirasida bo‘lgan 0,25 gektar yerni fuqaro A.ga firibgarlik yo‘li bilan sotishni rejalashtirib, tuman kadastr va davlat xizmatlari markazida ishlovchi tanishlari orqali hujjatlarni tayyorlab berish evaziga 70 million so‘mni olgan vaqtda ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Bundan avval DXX Bo‘stonliqda ot sportiga ajratilgan 25,4 gektar yerni 1,5 mln dollarga sotmoqchi bo‘lgan shaxsni qo‘lga olgani, Surxondaryoda 50 sotix yerni o‘ziga tegishli ekanligiga ishontirib, 150 mln so‘mga sotmoqchi bo‘lgan shaxs ushlangani hamda Toshkentda vazirlikda ishlashini aytib, o‘qishga kiritib qo‘yish evaziga fuqarodan 10 ming dollar olgan shaxs ushlangani haqida xabar berilgandi.
Izoh (0)