Qozog‘istonda o‘tgan bir kecha-kunduzda 3003 kishida koronavirus infeksiyasi tasdiqlandi, deb yozadi “Interfaks”COVID-19 tarqalishiga yo‘l qo‘ymaslik bo‘yicha idoralararo komissiya xabariga tayanib.
Bu mamlakatda pandemiya boshidan buyon qayd etilgan eng yuqori kunlik ko‘rsatkichdir. Bundan avvalgi sutkada 2765 kishida COVID-19 aniqlangan edi.
Qozog‘istonda koronavirusga chalinganlar soni 433 931 kishiga yetdi, shulardan 4444 nafari vafot etgan.
Qozog‘istonda sanitariya-epidemiologik vaziyat barqaror, ammo poytaxt Nur-Sultonda “hindcha” shtamm tarqalish ehtimoli mavjud. Shu tufayli, dastlab 25-iyundan, so‘ng 2-iyuldan boshlab poytaxtda karantin qoidalari kuchaytirilib, qo‘shimcha cheklovlar kiritildi.
Shuningdek, Rossiyada ham kunlik ko‘rsatkichlar bo‘yicha antirekord kuzatilishda davom etmoqda. Xususan, o‘tgan bir kecha-kunduzda 25 142 kishida COVID-19 aniqlangan bo‘lib, bu 2021-yil 2-yanvardan buyon qayd etilgan eng yuqori ko‘rsatkichdir, o‘shanda 26,3 mingta holat ro‘yxatga olingan edi. Pandemiya boshidan buyon mamlakatda jami 5,61 million kishi virusga chalingan.
Mavzuga doir:
- Nur-Sultonda karantin cheklovlari yana kuchaytirildi
- Nur-Sultonda karantin kuchaytirildi. Avvalroq shaharda “hindcha” shtamm tarqalgani ma’lum bo‘lgan edi
- Rossiyada COVID-o‘limlar bo‘yicha kunlik rekord yangilandi, Turkiyaning 26 ta viloyatida “hindcha” shtamm tarqaldi. Koronaxabarlar
- Rossiyada ketma-ket uchinchi kun COVID-o‘limlar soni antirekord o‘rnatdi. Moskvada koronavirusga qarshi qayta emlash boshlandi
- Moskva va Sankt-Peterburgda COVID-19’dan o‘lim soni bo‘yicha rekordlar yangilandi
Izoh (0)