Қозоғистонда ўтган бир кеча-кундузда 3003 кишида коронавирус инфекцияси тасдиқланди, деб ёзади «Интерфакс»COVID-19 тарқалишига йўл қўймаслик бўйича идоралараро комиссия хабарига таяниб.
Бу мамлакатда пандемия бошидан буён қайд этилган энг юқори кунлик кўрсаткичдир. Бундан аввалги суткада 2765 кишида COVID-19 аниқланган эди.
Қозоғистонда коронавирусга чалинганлар сони 433 931 кишига етди, шулардан 4444 нафари вафот этган.
Қозоғистонда санитария-эпидемиологик вазият барқарор, аммо пойтахт Нур-Султонда «ҳиндча» штамм тарқалиш эҳтимоли мавжуд. Шу туфайли, дастлаб 25 июндан, сўнг 2 июлдан бошлаб пойтахтда карантин қоидалари кучайтирилиб, қўшимча чекловлар киритилди.
Шунингдек, Россияда ҳам кунлик кўрсаткичлар бўйича антирекорд кузатилишда давом этмоқда. Хусусан, ўтган бир кеча-кундузда 25 142 кишида COVID-19 аниқланган бўлиб, бу 2021 йил 2 январдан буён қайд этилган энг юқори кўрсаткичдир, ўшанда 26,3 мингта ҳолат рўйхатга олинган эди. Пандемия бошидан буён мамлакатда жами 5,61 миллион киши вирусга чалинган.
Мавзуга доир:
- Нур-Султонда карантин чекловлари яна кучайтирилди
- Нур-Султонда карантин кучайтирилди. Аввалроқ шаҳарда «ҳиндча» штамм тарқалгани маълум бўлган эди
- Россияда COVID-ўлимлар бўйича кунлик рекорд янгиланди, Туркиянинг 26 та вилоятида «ҳиндча» штамм тарқалди. Коронахабарлар
- Россияда кетма-кет учинчи кун COVID-ўлимлар сони антирекорд ўрнатди. Москвада коронавирусга қарши қайта эмлаш бошланди
- Москва ва Санкт-Петербургда COVID-19’дан ўлим сони бўйича рекордлар янгиланди
Изоҳ (0)