Qozog‘iston poytaxti Nur-Sulton shahridagi yangi bog‘da mamlakat birinchi prezidenti — millat yetakchisi Nursulton Nazarboyevning haykali ochildi, deb xabar bermoqda Tengrinews.
Tantanali marosimda mamlakat prezidenti Qosim-Jo‘mart To‘qayev qatnashib, nutq so‘zladi.
Shuningdek, Turkiston viloyatining yangi ma’muriy-ishbilarmonlik markazida ham Qozog‘iston birinchi prezidenti haykali o‘rnatildi.
2020-yil iyulida Nur-Sultondagi Milliy mudofaa universitetida ham Nazarboyevga atab haykal qo‘yilgan edi.
2019-yil martida Qozog‘iston poytaxti rasman Nur-Sulton deb qayta nomlangan edi. 1830-yilda qozoqlar manzilgohi sifatida asos solingan shahar dastlab Akmolinsk deb nomlangan. 1961-yilda Selinograd deb qayta nomlangan. 1992—1998-yillarda shahar Akmola deb atalgan. 1997-yil dekabrida Qozog‘iston poytaxti Nazarboyevning tashabbusi bilan Olmaotadan Akmolaga ko‘chirilgan va 1998-yil mayida esa uning nomi Ostona deb o‘zgartirilgan edi.
https://www.instagram.com/p/CQ3aSuzDA8k/
Izoh (0)