Nyu-Yorkda SpaceX va Tesla kompaniyalari rahbari Ilon Maskning 50 yoshga to‘lishi munosabati bilan uning bronza haykali o‘rnatildi, deb xabar beradi Esquire.
Haykalga investorlar uchun mo‘ljallangan Public ijtimoiy tarmog‘i mualliflik qilgan. Unga namuna sifatida Maskning raketalaridan biri uchirilganidagi mashhur surati olingan. “Ilonning ambitsiyalari kichkina bo‘lmagani uchun, haykalini ham uning bo‘yi baravar yasashga qaror qildik”, — deyiladi kompaniya xabarida.
Public, shuningdek, ijtimoiy tarmoqdagi ushbu postni retvit qilgan foydalanuvchilarga milliarderning yuzta bronza haykali sovg‘a qilinishini va’da bergan. Tadbirkorning haqiqiy o‘lchamidek keladigan haykal bir vaqtning o‘zida auksionga ham qo‘yilgan, uning narxi hozirda 2550 dollarni tashkil etmoqda.
Ijtimoiy tarmoqlarda Maskning haykali tanqidlarga uchradi. Foydalanuvchilar haykalning omadsiz chiqqan bosh qismini olib tashlashni taklif qilib, uni Krishtianu Ronalduning mashhur byustiga qiyoslagan.
https://twitter.com/TTL_TM/status/1409568872198512643
Izoh (0)