“Borussiya Dortmund” Jeydon Sanchoning “Manchester Yunayted”ga o‘tayotganini tasdiqladi.
Futbolchining transfer narxi 85 million yevroni tashkil qiladi. Lekin dortmundliklar olishi mumkin bo‘lgan bonuslar haqida hech qanaqa ma’lumot yo‘q. Avvalroq “Borussiya” futbolchi uchun qo‘shimcha 10 million bonus olishi haqida xabar chiqqandi.
Muzokaralar yakunlanishi uchun Sancho “Manchester Yunayted” tibbiy ko‘rigidan muvaffaqiyatli o‘tishi qoldi, xolos.
Angliyalik futbolchi “Manchester Yunayted” bilan 5 yillik shartnoma imzolaydi. Oldinroq Sanchoning ingliz jamoasida haftasiga 250 ming funt olishi aytilgandi.
Sancho “Borussiya Dortmund” safida 2020/21-yilgi mavsumda 26 o‘yinda ishtirok etib, 8 ta gol va 11 ta golli uzatma muallifiga aylangandi.
Jeydon Sancho nemis klubiga Angliyaning “Manchester Siti” jamoasidan 2017-yilda borib qo‘shilgandi. Germaniyadagi 4 yillik faoliyatida davomida futbolchi 104 o‘yinda 38 ta golni o‘z hisobiga yozdirib qo‘ygan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)