«Боруссия Дортмунд» Жейдон Санчонинг «Манчестер Юнайтед»га ўтаётганини тасдиқлади.
Футболчининг трансфер нархи 85 миллион еврони ташкил қилади. Лекин дортмундликлар олиши мумкин бўлган бонуслар ҳақида ҳеч қанақа маълумот йўқ. Аввалроқ «Боруссия» футболчи учун қўшимча 10 миллион бонус олиши ҳақида хабар чиққанди.
Музокаралар якунланиши учун Санчо «Манчестер Юнайтед» тиббий кўригидан муваффақиятли ўтиши қолди, холос.
Англиялик футболчи «Манчестер Юнайтед» билан 5 йиллик шартнома имзолайди. Олдинроқ Санчонинг инглиз жамоасида ҳафтасига 250 минг фунт олиши айтилганди.
Санчо «Боруссия Дортмунд» сафида 2020/21 йилги мавсумда 26 ўйинда иштирок этиб, 8 та гол ва 11 та голли узатма муаллифига айланганди.
Жейдон Санчо немис клубига Англиянинг «Манчестер Сити» жамоасидан 2017 йилда бориб қўшилганди. Германиядаги 4 йиллик фаолиятида давомида футболчи 104 ўйинда 38 та голни ўз ҳисобига ёздириб қўйган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!