Qozog‘iston poytaxtining bosh davlat sanitariya shifokori “Nur-Sultonda cheklov va karantin choralarini kuchaytirish to‘g‘risida”gi farmonga o‘zgartirish va qo‘shimchalar kiritdi. Bu haqda Tengrinews xabar berdi.
Yangi cheklovlarga ko‘ra, Nur-Sultonda madaniy tadbirlarni yopiq joylarda o‘tkazish taqiqlandi, onlayn tashkil etish bundan mustasno. Shuningdek, park hududida joylashgan barcha turdagi ochiq attraksionlar ishlamaydigan bo‘ldi.
Shu bilan birga, poytaxtda ayrim tadbirlarga ruxsat berildi, xususan, Ashyq loyihasida ishtirok etadigan subyektlar (obyektlar) uchun teatrlar, filarmoniyalar, kinoteatrlar ishini tashkil etishga. Bunda o‘rindiqlarning ko‘pi bilan 20-30 foizi band bo‘lishi, kuchaytirilgan sanitariya-epidemiya, sanitariya-profilaktika choralariga rioya qilgan holda tomoshabinlar orasida bittadan bo‘sh stul qoldirib, ularni shaxmat taxtasi tartibida joylashtirish kerak. Ushbu tadbirlarni ish kunlari va dam olish kunlari hech qanday aksiyalarsiz soat 10:00 dan 24:00 gacha tashkil qilish mumkin.
Qaror 2021-yil 2-iyul soat 00:00 dan kuchga kiradi.
O‘tgan kun davomida Qozog‘istonda 2016 kishining koronavirusga topshirgan PZR-testi ijobiy chiqdi. Ular:
- Nur-Sultonda — 678 kishi,
- Olmaotada — 253 kishi,
- Chimkentda — 103 kishi,
- Oqmola viloyatida — 48 kishi,
- Oqto‘be viloyatida — 56 kishi,
- Olmaota viloyatida — 53 kishi,
- Atirau viloyatida — 89 kishi,
- Sharqiy Qozog‘iston viloyatida — 71 kishi,
- Jambil viloyatida — 24 kishi,
- G‘arbiy Qozog‘iston viloyatida — 126 kishi,
- Qarag‘anda viloyatida — 302 kishi,
- Qo‘stanay viloyatida — 47 kishi,
- Qizilo‘rda viloyatida — 14 kishi,
- Mang‘istov viloyatida — 50 kishi,
- Pavlodar viloyatida — 56 kishi,
- Shimoliy Qozog‘iston viloyatida — 13 kishi,
- Turkiston viloyatida — 32 kishi.
Avvalroq Qozog‘istonda koronavirusning “hindcha” shtammi tufayli karantin choralari kuchaytirilishi mumkinligi xabar qilingandi. Qozog‘istonda sanitariya-epidemiologik vaziyat barqaror, ammo poytaxt Nur-Sultonda “hindcha” shtamm tarqalish ehtimoli mavjud.
25-iyun kuni Nur-Sultonda karantin kuchaytirilgani haqida xabar berildi.
Izoh (0)