AQShda ishchi tashrif bilan bo‘lgan Estoniya prezidenti Kersti Kalyulayd 28-iyun kuni Birlashgan Millatlar Tashkiloti (BMT) bosh kotibi Antoniu Guterrish bilan uchrashdi. Bu haqda davlat rahbarining matbuot xizmatiga tayanib “Interfaks” xabar berdi.
Uchrashuvdan so‘ng Estoniya prezidenti va BMT bosh kotibi Kalyulaydni kelgusi ikki yil davomida “ayollar va bolalar huquqlarining dunyo himoyachisi” bo‘lishini ma’lum qildi.
“BMT bosh kotibi Estoniya prezidenti Kersti Kalyulaydni har bir ayolning, har bir bolaning global himoyachisi etib tayinladi. Ushbu turdagi birinchi tayinlov butun dunyo bo‘ylab ayollar, bolalar va o‘smirlar salomatligi bo‘yicha global strategiya to‘g‘risida xabardorlikni oshirishga qaratilgan”, — deyiladi uchrashuv haqidagi bayonotda.
Qayd etilishicha, uchrashuv davomida Kalyulayd va Guterrish Estoniyaning Xavfsizlik kengashi rahbari sifatidagi ustuvor vazifalarini muhokama qilgan.
Suhbat davomida tomonlar dunyoning turli mintaqalarida koronavirus inqirozining salbiy ta’sirini kamaytirish, shuningdek, vaksinatsiya sur’atini oshirish masalalariga ham to‘xtalib o‘tgan.
Izoh (0)