Қозоғистон пойтахтининг бош давлат санитария шифокори «Нур-Султонда чеклов ва карантин чораларини кучайтириш тўғрисида»ги фармонга ўзгартириш ва қўшимчалар киритди. Бу ҳақда Tengrinews хабар берди.
Янги чекловларга кўра, Нур-Султонда маданий тадбирларни ёпиқ жойларда ўтказиш тақиқланди, онлайн ташкил этиш бундан мустасно. Шунингдек, парк ҳудудида жойлашган барча турдаги очиқ аттракционлар ишламайдиган бўлди.
Шу билан бирга, пойтахтда айрим тадбирларга рухсат берилди, хусусан, Ashyq лойиҳасида иштирок этадиган субъектлар (объектлар) учун театрлар, филармониялар, кинотеатрлар ишини ташкил этишга. Бунда ўриндиқларнинг кўпи билан 20-30 фоизи банд бўлиши, кучайтирилган санитария-эпидемия, санитария-профилактика чораларига риоя қилган ҳолда томошабинлар орасида биттадан бўш стул қолдириб, уларни шахмат тахтаси тартибида жойлаштириш керак. Ушбу тадбирларни иш кунлари ва дам олиш кунлари ҳеч қандай акцияларсиз соат 10:00 дан 24:00 гача ташкил қилиш мумкин.
Қарор 2021 йил 2 июль соат 00:00 дан кучга киради.
Ўтган кун давомида Қозоғистонда 2016 кишининг коронавирусга топширган ПЗР-тести ижобий чиқди. Улар:
- Нур-Султонда — 678 киши,
- Олмаотада — 253 киши,
- Чимкентда — 103 киши,
- Оқмола вилоятида — 48 киши,
- Оқтўбе вилоятида — 56 киши,
- Олмаота вилоятида — 53 киши,
- Атирау вилоятида — 89 киши,
- Шарқий Қозоғистон вилоятида — 71 киши,
- Жамбил вилоятида — 24 киши,
- Ғарбий Қозоғистон вилоятида — 126 киши,
- Қарағанда вилоятида — 302 киши,
- Қўстанай вилоятида — 47 киши,
- Қизилўрда вилоятида — 14 киши,
- Манғистов вилоятида — 50 киши,
- Павлодар вилоятида — 56 киши,
- Шимолий Қозоғистон вилоятида — 13 киши,
- Туркистон вилоятида — 32 киши.
Аввалроқ Қозоғистонда коронавируснинг «ҳиндча» штамми туфайли карантин чоралари кучайтирилиши мумкинлиги хабар қилинганди. Қозоғистонда санитария-эпидемиологик вазият барқарор, аммо пойтахт Нур-Султонда «ҳиндча» штамм тарқалиш эҳтимоли мавжуд.
25 июнь куни Нур-Султонда карантин кучайтирилгани ҳақида хабар берилди.
Изоҳ (0)