YouTube’dagi Woodworking Art kanali muallifi yog‘och bo‘lagidan yangi Mercedes-AMG G 63 modelining aniq nusxasini yaratdi. Mitti mashina uchun xomashyo sifatida fransuz sarvi tanlab olingan. Mashaqqatli mehnat to‘qqiz daqiqali rolikka sig‘dirilgan bo‘lib, hosil bo‘lgan model hayratlanarli darajada originaliga o‘xshash chiqqan, deb xabar beradi Motor.
Duradgor ustda eshiklarning kinematik ochilishini o‘xshatishga uringan, yo‘ltanlamasning “aylana bo‘ylab” mustaqil prujinali “podveska”sini saqlab qolgan, g‘ildirak diskalari va havo panjaralarining o‘xshashligini ta’minlagan. Kamchiliklar ham yo‘q emas: masalan, ma’lumotlar tablichkasidagi shriftlar o‘zgacha ekani ko‘zga tashlanadi.
Yog‘och Mercedes-AMG G 63 internet-do‘kon orqali sotuvga qo‘yilgan va u bir zumda sotilib ketgan. O‘yinchoq model narxi e’lon qilinmagan, biroq har bir nusxa bir necha hafta davomida tayyorlanishi hisobga olinsa, u arzon bo‘lmasligi aniq.
WoodWorking Art muallifi o‘zining blogiga 10 million obunachi yig‘ishni rejalashtirilgan, biroq bunga hali ancha bor — hozirda kanal a’zolari soni 2,4 million kishini tashkil etadi.
Avvalroq vyetnamlik usta 1:13 masshtabda yog‘ochdan yaratilgan o‘zining so‘nggi ishi — Ford Ranger Raptor modelini sotuvga qo‘ygani to‘g‘risida xabar berilgandi. U pikapni yaratishga 35 kun sarflagan va uni 2 ming dollarga sotishga tayyorligini bildirgan.
Mavzuga doir:
Izoh (0)