Turkiyadagi mashhur kurort yaqinida yirik o‘rmon yong‘ini sodir bo‘ldi (video)

Turkiyaning Marmaris kurorti yaqinidagi o‘rmon zonasida yong‘in sodir bo‘ldi. Bu haqda Hurriyet nashri xabar berdi.

THK UÇAKLARINI ÖLDÜR, BEŞLİ ÇETEYİ GÜLDÜR .

Kaş, ta dalamanda, marmariste ormanlarımız yanıyor. Bakanlığın günlüğü 1.3 milyona kiraladığı yangın söndürme uçakları piyasada yok. pic.twitter.com/f8RQFSP2eF

— Ahmet Erten (@1944Erten) June 27, 2021

Egey dengizi sohilidagi Mug‘la provinsiyasida sodir bo‘lgan ushbu keng miqyosli o‘rmon yong‘ini havo harorati mavsumiy me’yordan oshganidan so‘ng yuzaga kelgan. Dastlab aholi punktiga yaqin tepalik yonbag‘iridagi daraxtlar yonib ketgan, so‘ngra shamolning kuchayishi tufayli olov dam olish maskani hududiga tarqalgan.

Qayd etilishicha, yong‘in paytida, taxminan, 100 gektar o‘rmon yonib ketgan. Dastlabki ma’lumotlarga ko‘ra, yong‘inga transformator podstansiyasidagi avariya sabab bo‘lgan. Yong‘inni o‘chirishda aviatsiya ishtirok etgan. Hodisada o‘t o‘chiruvchilaridan biri halok bo‘lgan.

Mug‘la gubernatori O‘rhan Tavlining aytishicha, yong‘in qirg‘oqdagi bahosi ikki million turk lirasi bo‘lgan yaxtaga tutashgan va u ham yonib ketgan. Tinch aholi, xususan, sayyohlar orasida talafotlar haqida hozircha xabar berilmagan.

Turkiya meteorologiya idorasi mamlakatda so‘nggi 51 yil ichidagi eng issiq havo kuzatilayotganini tasdiqladi va yaqin kunlarda harorat yana ko‘tarilishi mumkinligidan ogohlantirdi.