Туркиядаги машҳур курорт яқинида йирик ўрмон ёнғини содир бўлди (видео)

Туркиянинг Мармарис курорти яқинидаги ўрмон зонасида ёнғин содир бўлди. Бу ҳақда Hurriyet нашри хабар берди.

THK UÇAKLARINI ÖLDÜR, BEŞLİ ÇETEYİ GÜLDÜR .

Kaş, ta dalamanda, marmariste ormanlarımız yanıyor. Bakanlığın günlüğü 1.3 milyona kiraladığı yangın söndürme uçakları piyasada yok. pic.twitter.com/f8RQFSP2eF

— Ahmet Erten (@1944Erten) June 27, 2021

Эгей денгизи соҳилидаги Муғла провинциясида содир бўлган ушбу кенг миқёсли ўрмон ёнғини ҳаво ҳарорати мавсумий меъёрдан ошганидан сўнг юзага келган. Дастлаб аҳоли пунктига яқин тепалик ёнбағиридаги дарахтлар ёниб кетган, сўнгра шамолнинг кучайиши туфайли олов дам олиш маскани ҳудудига тарқалган.

Қайд этилишича, ёнғин пайтида, тахминан, 100 гектар ўрмон ёниб кетган. Дастлабки маълумотларга кўра, ёнғинга трансформатор подстанциясидаги авария сабаб бўлган. Ёнғинни ўчиришда авиация иштирок этган. Ҳодисада ўт ўчирувчиларидан бири ҳалок бўлган.

Муғла губернатори Ўрҳан Тавлининг айтишича, ёнғин қирғоқдаги баҳоси икки миллион турк лираси бўлган яхтага туташган ва у ҳам ёниб кетган. Тинч аҳоли, хусусан, сайёҳлар орасида талафотлар ҳақида ҳозирча хабар берилмаган.

Туркия метеорология идораси мамлакатда сўнгги 51 йил ичидаги энг иссиқ ҳаво кузатилаётганини тасдиқлади ва яқин кунларда ҳарорат яна кўтарилиши мумкинлигидан огоҳлантирди.