Avval xabar berilganidek, 25-iyun kuni O‘zbekiston Prezidenti Shavkat Mirziyoyev Toshkent shahrida amalga oshirilayotgan bunyodkorlik ishlari, korxonalar faoliyati bilan tanishdi. Shuningdek, davlat rahbari Sergeli tumanidagi “Saxovat” mahallasini borib ko‘rdi.
2016-yilda tashkil etilgan mahallada hozirda 41 ta ko‘p qavatli uyda 6 ming nafardan ziyod aholi yashaydi. Hududda ijtimoiy soha obyektlaridan 612 o‘rinli 2 ta maktabgacha ta’lim tashkiloti, 2 218 o‘rinli 1 ta maktab faoliyat yuritadi.
Avvallari e’tibordan chetda qolgan ushbu mahalla 2021-yilda “Obod mahalla” dasturi doirasida hudud to‘liq obodonlashtirilgan. Mahalla guzari, Saxovat bog‘i, savdo do‘konlari barpo etilgan. Yo‘laklar tartibga keltirilib, bolalar o‘yingohlari, avtoturargoh tashkil qilingan.
Mahalladagi ijtimoiy muammolar manzilli hal etilayotgani ta’kidlandi. Turar joyga muhtojlarga uy va subsidiyalar berilgan. Ishsiz ayollar va yoshlar bandligini ta’minlash maqsadida qiymati 5 milliard so‘mlik loyiha amalga oshirilmoqda. Xususan, mebelsozlik majmuasini ishga tushirish rejalashtirilgan. “Temir daftar”ga tadbir boshidan 120 ta oila (oila a’zolari – 421 nafar) kiritilgan. Daftardan chiqarilgan oilalar – 117 ta (oila a’zolari – 410 nafar). Jumladan, ishga joylashtirilganlar – 15 nafar, o‘zini o‘zi band qilishga ko‘maklashilgan – 108 nafar, tibbiy yordam ko‘rsatilganlar – 29 nafar, moddiy yordam olganlar – 132 nafar.
Mahalladagi barcha xonadonlar elektr energiyasi, tabiiy gaz va ichimlik suv bilan to‘liq ta’minlangan. 20,6 ming kv.m ichki yo‘llar mavjud bo‘lib, shundan 15,1 ming kvadrat metr qismi asfalt qilingan. 2020-yilda jinoyatlar sodir bo‘lmagan, joriy yilning o‘tgan davrida 5 ta jinoyat sodir etilgani aytilgan.
“Daryo” fotomuxbiri ushbu mahallada bo‘lib, Prezident tashrifi davomida e’tiborga molik lahzalarni kadrlarga muhrladi.
Mahallaning avvalgi holati
Izoh (0)