Toshkent viloyatining Zangiota tumanidagi o‘quv qurollari sotiladigan “Solnechniy” (“Ilm shu’lasi”) bozori tomonda 27-iyun kuni katta yong‘in chiqqani aytilgan foto va videolar tarqaldi.
Ijtimoiy tarmoqlarda tarqalgan ushbu lavhalarda bozor tomondan ko‘tarilgan quyuq tutunni ko‘rish mumkin.
Xabarlarga ko‘ra, yong‘in bozor yaqinida joylashgan yog‘ zavodida yuz bergan. Ayni paytda yong‘in bartaraf etilgan. O‘quv qurollari sotiladigan bozorga zarar yetmagan.
Hozircha hodisa yuzasidan rasmiy ma’lumot berilmadi.
Bundan avval Zangiotadagi xonadonlarning birida yong‘in sodir bo‘lgani, Samarqandda g‘allasi o‘rib olingan 3 gektar yer yonib ketgani, Toshkent shahri Yashnobod tumanida joylashgan kafe va unga tutash bo‘lgan uyda yong‘in sodir bo‘lgani haqida xabar berilgan edi.
Izoh (0)