“AvtoVAZ” yaqin 12 oy ichida O‘zbekistonda Lada va Renault rusumli avtomobillarni yig‘ishni boshlaydi. Bu haqda kompaniyaning ТАСС agentligiga bergan ma’lumotlariga asoslanib, Spot xabar berdi.
“Bozorda rivojlanishning yana bir muhim tomonlaridan biri bu mintaqaviy hamkorlar bilan aloqalarni kengaytirishdir. Bizda shundan imkoniyat mavjud. O‘zbekistonda avtomobil komponentlarini yig‘ishni yo‘lga qo‘yamiz. Dastlab Lada rusumli, keyinchalik esa Renault avtomobillari bo‘ladi. Loyiha 12 oy ichida amalga oshirilishi rejalashtirilmoqda”, — degan “AvtoVAZ” kompaniyasi prezidenti Nikolay Mor.
Shuningdek, UzAuto sabab “AvtoVAZ” mahalliy bozorda katta o‘rinni egallay olmasligini ham ta’kidlab o‘tgan.
O‘zbekistonda Lada va Renault avtomobillarini yig‘ishni yo‘lga qo‘yish rejalashtirilayotgani 2020-yilning oxirlarida ma’lum bo‘lgandi. Bu haqda 2021—2023-yillarga mo‘ljallangan Investitsiya dasturi tasdiqlangan Prezident qarorida keltirilgan. 2021-yilda Renault-“AvtoVAZ” avtomobil zavodi qurilishi va ishga tushirilishi ko‘zda tutilgan.
Izoh (0)