20-iyun kuni taxminan soat 04:30 larda Surxondaryoda yuk mashinasi va Nexia o‘rtasida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda viloyati IIB YHXB axborot xizmati xabar berdi.
Ma’lum qilinishicha, Muzrabot tumani “Sopollitepa” mahallasi hududidan o‘tuvchi mahalliy ahamiyatga ega 4K-626 avtomobil yo‘lining 30 kilometrida 23 yoshli B.R boshqaruvida bo‘lgan davlat raqam belgisiz Nexia-3 o‘ziga qarama-qarshi yo‘nalishda harakatlanib kelayotgan O‘.D boshqaruvida bo‘lgan Shacman rusumli yuk avtomashinasining yo‘liga chiqib ketishi oqibatida to‘qnashuv sodir etgan.
Avariya oqibatida Nexia avtomashinasida yong‘in chiqib, haydovchisi voqea joyida vafot etgan.
Avvalroq Surxondaryoda haydovchining uxlab qolishi oqibatida Damas tut daraxtiga borib urilishi oqibatida yo‘lovchi vafot etgani to‘g‘risida xabar berilgandi.
Mavzuga doir:
- Surxondaryoda bir yil davomida 15 marotaba qoida buzgan haydovchi 17 yoshli o‘smirning hayotiga zomin bo‘ldi
- Surxondaryoda tezlikni me’yordan oshirgan Spark haydovchisi piyodani urib yubordi. Jabrlanuvchi vafot etdi
- Surxondaryoda Damas va “KamAZ” to‘qnashuvida ikki kishi halok bo‘ldi, 8 yoshli qiz va yana bir kishi og‘ir tan jarohatlari oldi
Izoh (0)