«АвтоВАЗ» яқин 12 ой ичида Ўзбекистонда Lada ва Renault русумли автомобилларни йиғишни бошлайди. Бу ҳақда компаниянинг ТАСС агентлигига берган маълумотларига асосланиб, Spot хабар берди.
«Бозорда ривожланишнинг яна бир муҳим томонларидан бири бу минтақавий ҳамкорлар билан алоқаларни кенгайтиришдир. Бизда шундан имконият мавжуд. Ўзбекистонда автомобиль компонентларини йиғишни йўлга қўямиз. Дастлаб Lada русумли, кейинчалик эса Renault автомобиллари бўлади. Лойиҳа 12 ой ичида амалга оширилиши режалаштирилмоқда», — деган «АвтоВАЗ» компанияси президенти Николай Мор.
Шунингдек, UzAuto сабаб «АвтоВАЗ» маҳаллий бозорда катта ўринни эгаллай олмаслигини ҳам таъкидлаб ўтган.
Ўзбекистонда Lada ва Renault автомобилларини йиғишни йўлга қўйиш режалаштирилаётгани 2020 йилнинг охирларида маълум бўлганди. Бу ҳақда 2021—2023 йилларга мўлжалланган Инвестиция дастури тасдиқланган Президент қарорида келтирилган. 2021 йилда Renault-«АвтоВАЗ» автомобиль заводи қурилиши ва ишга туширилиши кўзда тутилган.
Изоҳ (0)