Futbol bo‘yicha Yevropa chempionati guruh bosqichi 3-turi doirasidan o‘rin olgan ikki o‘yin 20-iyun, yakshanba kuni bo‘lib o‘tdi.
Italiya Rimda Uels bilan bahs yuritdi va 1:0 hisobida g‘alaba qozondi. Uchrashuvdagi yagona gol Matteo Pessina tomonidan kiritildi. Shu tariqa Italiya guruhda 3 ta o‘yinda ham g‘alaba qozonib, yuz foizlik natija bilan keyingi bosqichga yo‘l oldi. Uels esa mag‘lubiyatga qaramay ikkinchi o‘rin bilan guruhdan chiqish vazifasini uddaladi.
Guruhning ikkinchi o‘yinida Shveysariya va Turkiya terma jamoalari o‘zaro bahs yuritdi. Boku shahri mezbonlik qilgan o‘yinda shveysariyaliklarning qo‘li baland keldi. Shveysariya tarkibida Jerdan Shakiri dublga erishgan bo‘lsa, Haris Seferovich ham o‘z hisobiga gol yozdirib qo‘ydi. Turkiyaning yagona goli esa Irfan Kahveji hisobiga yozildi. Ishonchli g‘alabaga erishgan Shveysariya hozirda keyingi bosqichga chiqish imkoniyatini o‘zida saqlab qoldi. Turkiya esa musobaqadagi ishtirokini yakunladi.
So‘nggi turdan keyin A guruhidagi holat bilan tanishing:
Yevro—2020
Guruh bosqichi, 3-tur
20-iyun, yakshanba
Italiya — Uels 1:0
Gol: 1:0 – 39 Pessina.Italiya: Donnarumma (Sirigu, 89), Emerson, Bastoni, Bonuchchi (Acherbi, 46), Toloi, Pessina (Kastrovilli, 87), Jorjinyo (Kristante, 75), Bernardeski (Raspadori, 75), Verratti, Kyeza, Belotti.
Uels: Uord, Uilyams (Devis, 86), Rodon, Roberts, Ampadu, Remzi, Allen (Levitt, 86), Beyl (Bruks, 86), Morrell (Mur, 60), Jeyms (Uilson, 74), Ganter.
Ogohlantirishlar: Allen (51), Pessina (79), Ganter (79).
Chetlatish: Ampadu (55).
Shveysariya – Turkiya 3:1
Gollar: 1:0 – 6 Seferovich, 2:0 – 26 Shakiri, 2:1 – 62 Kahveji, 3:1 – 68 Shakiri.Shveysariya: Zommer, Akanji, Elvedi, Rodriges, Vidmer (Mbabu, 90), Jaka, Froyler, Suber (Benito, 85), Shakiri (Vargas, 76), Embolo (Mehmedi, 86), Seferovich (Gavranovich, 75).
Turkiya: Chaqir, So‘yunju, Demiral, Myuldyur, Ayxan (Yokushlu, 63), Chalxano‘g‘lu (Tokez, 86), O‘nder (Karaman, 80), Tufan (Yaziji, 63), Kahveji (Kekchyu, 80), Chelik, Yilmaz.
Ogohlantirishlar: Chalxano‘g‘lu (70), Chelik (75), So‘yunju (76), Jaka (78).