Namangan shahridagi “Afsonalar vodiysi” bog‘ida amfiteatrida yoshlar va sport festivali bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.
Festivalda Tokio-2020 olimpiya va paralimpiya o‘yinlarida ishtirok etish yo‘llanmasini qo‘lga kiritgan, shuningdek, mamlakat, Osiyo va jahon chempionatlarida munosib ishtirok etgan namanganlik sportchilar taqdirlandi.
Jumladan, Tokio olimpiadasida ishtirok etish yo‘llanmasini qo‘lga kiritgan bokschi Shahnoza Yunusova va o‘q otuvchi mergan Muxtasar Tohirovaga Nexia-3 avtomobili topshirildi.
Shuningdek, mamlakat, Osiyo va jahon chempionatlarida yuqori natijalarni qayd etgan sportchilarga pul mukofotlari taqdim etildi.
Tadbirda ishtirok etgan Turizm va sport vaziri o‘rinbosari Avazbek Karimov Namangan viloyati hokimi Shavkat Abdurazzaqovga sport rivojiga qo‘shgan hissasi uchun “Sport a’lochisi” ko‘krak nishonini topshirdi.
Ma’lumot uchun, Namangandan hozirgi kungacha 9 nafar sportchi Tokio-2020 olimpiya va paralimpiya o‘yinlariga yo‘llanmani qo‘lga kiritdi. Bu viloyat sporti tarixidagi eng yaxshi natija hisoblanadi.
Izoh (0)