Dunyo va o‘zbek sportiga oid 20-iyun tongining muhim xabarlari dayjesti bilan tanishing.
O‘zbekiston
MOQ majlislar zalida O‘FAning navbatdan tashqari kongressi bo‘lib o‘tdi. Uning yakunlariga ko‘ra, Vadim Abramovning O‘zbekiston terma jamoasi bilan shartnomasi bekor qilindi, Odil Ahmedov esa terma jamoadagi faoliyatini yakunlaganini ma’lum qildi.PFL bosh direktori Vadim Abramov iste’fosidan keyin o‘z fikrlari bildirib o‘tdi.
Pekin—2008 Olimpiadasi yo‘llanmasini rasvo qildi, ishonmadinglar. London—2012 Olimpiadasi chiptasini rasvo qildi, ishonmadinglar.BoksBoshqasi kelib Rio—2016 ham shunday qildi, ishonmadinglar. Oqibatda ikkovlon Rossiya—2018 ni ham, Qatar—2022 ni ham ob-hayot qildi. Iltimos, endi ishoninglar. O‘zinglarga el bo‘lmaydigan “fizruk”larni tanib olinglar, futbolda taxminan odam savdosi bilan shug‘ullanadigan kishilarning farqiga boringlar.
Diyor Imomxo‘jayev, PFL rahbari
Bektemir Meliqo‘ziyev professional boksdagi ilk mag‘lubiyatini qabul qilib oldi. Gabriel Rosadoga qarshi jangni yomon boshlamagan o‘zbekistonlik bokschi to‘rtinchi raundda kuchli zarba o‘tkazib yubordi va nokaut holatiga tushib qoldi.
Jahon
Yevro—2020 haqidaIspaniya terma jamoasi Yevro—1996 dan beri ilk bor musobaqaning dastlabki ikki turida g‘alaba qozona olmadi. O‘shanda ispanlar pley-off bosqichiga chiqa olgandi.
Polsha yarim himoyachisi Katsper Kozlovski Ispaniyaga qarshi o‘yinda maydonga tushdi. 17 yosh-u 246 kunlik futbolchi musobaqa tarixidagi eng yosh futbolchiga aylandi. U Yevro—2020 1-turida angliyalik Jud Bellinghem (17 yosh-u 349 kuni) tomonidan o‘rnatilgan rekordni yangiladi.
Robert Levandovski ham Yevro—2020 dagi gollari hisobini ochdi. Shu tariqa faqat Levandovski va Ronaldu so‘nggi uchta Yevroda gol urgan futbolchilar bo‘lib turibdi.
Germaniya terma jamoasi Yevropa chempionati tarixidagi 302-golini urdi. Hali hech qaysi jamoa 300 lik dovondan o‘tmagandi.
Portugaliya terma jamoasi Yevro va JCh tarixida ikkinchi marta bir o‘yinda 4 ta gol o‘tkazib yubordi. Ikkisi ham Germaniyaga qarshi o‘yinda qayd etildi. JCh—2014 da nemislar 4:0 hisobida g‘alaba qozongandi. Shuningdek, Portugaliya Yevro bitta o‘yinida to‘rtta gol o‘tkazib yuborgan ilk amaldagi chempionga aylandi.
Yevro—2020 musobaqasida 5 ta avtogol qayd etildi. Bu musobaqa rekordi hisoblanadi. Bundan avvalgi rekord Yevro—2016 da qayd etilgan va unda uchta avtogol bo‘lgandi.
Transfer olami
“Barselona” Depay transferini e’lon qildi
“Lion”ni erkin agent maqomida tark etgan Memfis Depay katalonlar safiga borib qo‘shildi. Tomonlar 2022/23-yilgi mavsum yakuniga qadar mo‘ljallangan ikki yillik shartnoma imzoladi.
“Inter” Eriksenga o‘rinbosar qidirmoqda. Milanliklar “Manchester Yunayted”da o‘z baxtini topa olmayotgan Donni van de Bek xizmatlariga qiziqish bildirmoqda. Inglizlar transfer uchun 30 million yevro so‘ramoqda.
UFC
Toshkent vaqti bilan 20-iyun tongida UFC on ESPN 25 musobaqasi bo‘lib o‘tdi. Uning asosiy jangida Chan Son Yung (Koreyalik zombi, 17-6) Den Ij (15-4) ustidan g‘alabaga erishdi (48-47, 49-46, 49-46). Yana bir asosiy janglardan biri rossiyalik Aleksey Oleynik va Sergey Spivak o‘rtasida kechdi. Unda Spivak ochkolar hisobga raqibini ortda qoldirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)