Дунё ва ўзбек спортига оид 20 июнь тонгининг муҳим хабарлари дайжести билан танишинг.
Ўзбекистон
МОҚ мажлислар залида ЎФАнинг навбатдан ташқари конгресси бўлиб ўтди. Унинг якунларига кўра, Вадим Абрамовнинг Ўзбекистон терма жамоаси билан шартномаси бекор қилинди, Одил Аҳмедов эса терма жамоадаги фаолиятини якунлаганини маълум қилди.ПФЛ бош директори Вадим Абрамов истеъфосидан кейин ўз фикрлари билдириб ўтди.
Пекин—2008 Олимпиадаси йўлланмасини расво қилди, ишонмадинглар. Лондон—2012 Олимпиадаси чиптасини расво қилди, ишонмадинглар.БоксБошқаси келиб Рио—2016 ҳам шундай қилди, ишонмадинглар. Оқибатда икковлон Россия—2018 ни ҳам, Қатар—2022 ни ҳам об-ҳаёт қилди. Илтимос, энди ишонинглар. Ўзингларга эл бўлмайдиган «физрук»ларни таниб олинглар, футболда тахминан одам савдоси билан шуғулланадиган кишиларнинг фарқига боринглар.
Диёр Имомхўжаев, ПФЛ раҳбари
Бектемир Мелиқўзиев профессионал боксдаги илк мағлубиятини қабул қилиб олди. Габриэль Росадога қарши жангни ёмон бошламаган ўзбекистонлик боксчи тўртинчи раундда кучли зарба ўтказиб юборди ва нокаут ҳолатига тушиб қолди.
Жаҳон
Евро—2020 ҳақидаИспания терма жамоаси Евро—1996 дан бери илк бор мусобақанинг дастлабки икки турида ғалаба қозона олмади. Ўшанда испанлар плей-офф босқичига чиқа олганди.
Польша ярим ҳимоячиси Кацпер Козловски Испанияга қарши ўйинда майдонга тушди. 17 ёш-у 246 кунлик футболчи мусобақа тарихидаги энг ёш футболчига айланди. У Евро—2020 1-турида англиялик Жуд Беллингҳем (17 ёш-у 349 куни) томонидан ўрнатилган рекордни янгилади.
Роберт Левандовски ҳам Евро—2020 даги голлари ҳисобини очди. Шу тариқа фақат Левандовски ва Роналду сўнгги учта Еврода гол урган футболчилар бўлиб турибди.
Германия терма жамоаси Европа чемпионати тарихидаги 302-голини урди. Ҳали ҳеч қайси жамоа 300 лик довондан ўтмаганди.
Португалия терма жамоаси Евро ва ЖЧ тарихида иккинчи марта бир ўйинда 4 та гол ўтказиб юборди. Иккиси ҳам Германияга қарши ўйинда қайд этилди. ЖЧ—2014 да немислар 4:0 ҳисобида ғалаба қозонганди. Шунингдек, Португалия Евро битта ўйинида тўртта гол ўтказиб юборган илк амалдаги чемпионга айланди.
Евро—2020 мусобақасида 5 та автогол қайд этилди. Бу мусобақа рекорди ҳисобланади. Бундан аввалги рекорд Евро—2016 да қайд этилган ва унда учта автогол бўлганди.
Трансфер олами
«Барселона» Депай трансферини эълон қилди
«Лион»ни эркин агент мақомида тарк этган Мемфис Депай каталонлар сафига бориб қўшилди. Томонлар 2022/23 йилги мавсум якунига қадар мўлжалланган икки йиллик шартнома имзолади.
«Интер» Эриксенга ўринбосар қидирмоқда. Миланликлар «Манчестер Юнайтед»да ўз бахтини топа олмаётган Донни ван де Бек хизматларига қизиқиш билдирмоқда. Инглизлар трансфер учун 30 миллион евро сўрамоқда.
UFC
Тошкент вақти билан 20 июнь тонгида UFC on ESPN 25 мусобақаси бўлиб ўтди. Унинг асосий жангида Чан Сон Юнг (Кореялик зомби, 17-6) Ден Иж (15-4) устидан ғалабага эришди (48-47, 49-46, 49-46). Яна бир асосий жанглардан бири россиялик Алексей Олейник ва Сергей Спивак ўртасида кечди. Унда Спивак очколар ҳисобга рақибини ортда қолдирди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)