Zambiya prezidenti Edgar Lungu mamlakat poytaxti Lusakada o‘tkazilayotgan harbiy parad chog‘ida hushidan ketdi. Bu haqda Zambia Watchdog mahalliy nashri davlat rahbari idorasiga asoslanib xabar berdi.
Xabarga ko‘ra, 13-iyun kuni Zambiyada mamlakat Qurolli Kuchlari kuni nishonlangan. Tadbirda qatnashgan prezident Edgar Lunguda to‘satdan bosh aylanishi kuzatilgan.
“U hech qancha vaqt o‘tmay o‘ziga keldi va hukumat mashinasida o‘z qarorgohiga qaytdi. Prezident fuqarolar va xalqaro hamjamiyatni o‘zini yaxshi his qilayotganiga hamda davlat rahbari sifatida ishlarini davom ettirishiga ishontirmoqda”, — deyiladi xabarda.
Zambia's former president Kenneth Kaunda, 97, is receiving treatment for an undisclosed illness at a military hospital in the capital Lusaka, his office said https://t.co/HqT6wOOsAW pic.twitter.com/SWktOIx6lN
— Reuters (@Reuters) June 14, 2021
64 yoshli Lungu bilan sodir bo‘lgan voqeadan bir kun o‘tib, mamlakatning birinchi prezidenti Kennet Kaunda kasalxonaga yotqizilgani ma’lum bo‘ldi. Zambiyani 1964-yildan 1991-yilgacha boshqargan hamda milliy davlatchilik asoschisi deya e’tirof etiladigan 97 yoshli Kaunda ayni paytda Lusakadagi harbiy kasalxonada.
Izoh (0)