O‘zbekiston yanvar–aprel oylarida xorijdan qancha mobil telefon import qilgani ma’lum qilindi

O‘zbekiston 2021-yilning dastlabki to‘rt oyida 628 885 dona mobil telefon import qilgan. Bu haqda Davlat statistika qo‘mitasi xabar qildi.

Qo‘mita ma’lumotlariga ko‘ra, 2021-yilning yanvar–aprel oylari davomida O‘zbekiston xorijdan import qilingan telefonlarning umumiy qiymati 45,4 million AQSh dollariga teng bo‘lgan.

Telefon importi 2020-yilning mos davri bilan solishtirilganda 399 568 taga oshgan. O‘zbekiston quyidagi 10 ta davlatdan mobil telefonlar import qilgan:

• Xitoydan – 422,1 ming dona;
• Vyetnamdan – 72,9 ming dona;
• Qozog‘istondan – 63,5 ming dona;
• BAAdan – 42,6 ming dona;
• Hindistondan – 27,7 ming dona;
• Rossiyadan – 600 dona;
• Yaponiyadan – 16 dona.