O‘zbekistonga 2021-yilning yanvar—aprel oylarida qiymati 66,4 million dollarga teng bo‘lgan 207,5 million litr avtomobil benzini import qilindi. Bu haqda Davlat statistika qo‘mitasi ma’lum qildi.

Foto: “Daryo”

Qayd etilishicha, o‘tgan to‘rt oy mobaynida benzin, asosan, Rossiya (39 million litr), Turkmaniston (22,5 million litr) va Qozog‘istondan ( 4,6 million litr) import qilindi.

Xorijdan avtomobil benzini import qilgan hududlar (AQSh dollarida):

  • Toshkent shahri — 46,7 million;
  • Farg‘ona viloyati — 8,7 million;
  • Buxoro viloyati — 4,7 million;
  • Samarqand viloyati — 2,2 million;
  • Sirdaryo viloyati — 1,8 million;
  • Namangan viloyati — 1,3 million;
  • Toshkent viloyati — 424,0 ming;
  • Xorazm viloyati — 293,6 ming;
  • Qoraqalpog‘iston Respublikasi — 133,9 ming;
  • Qashqadaryo viloyati — 69 ming.

Avvalroq O‘zbekiston tovar-xomashyo birjasida Ai-80 markali benzin qariyb 3 foizga ko‘tarilgani haqida xabar berilgan edi.